Сусьветная арганізацыя здароўя

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Сусьветная арганізацыя здароўя

Сьцяг арганізацыі
Абрэвіятура САЗ
Дата ўтварэньня 7 красавіка 1948 (66 гадоў таму)
Тып міжнародная недзяржаўная арганізацыя
Мэта ахова здароўя
Штабкватэра Жэнэва, Швайцарыя
Дзейнічае ў рэгіёнах па ўсім сьвеце
Афіцыйныя мовы ангельская, гішпанская, расейская, француская, кітайская, арабская
Генэральны дырэктар Маргарэт Чан
Сайт who.int

Сусьве́тная арганіза́цыя здаро́ўя, САЗ (па-ангельску: World Health Organization, WHO) — адна з арганізацыяў, якая дзейнічае ў рамках ААН. Арганізацыя зьяўляецца чальцом групы разьвіцьця ААН. Папярэднік САЗ, Арганізацыя здароўя, была агенцтвам пры Лізе Нацыяў. Штаб-кватэра САЗ знаходзіцца ў Жэнэве.

У 1945 годзе на канфэрэнцыі ў Сан-Францыска было прынята рашэньне аб стварэньні міжнароднай арганізацыі па пытаньнях аховы здароўя. Канстытуцыя Сусьветнай арганізацыі здароўя была ​​падпісана ўсімі 61 краінамі Арганізацыі Аб’яднаных Нацыяў 22 ліпеня 1946 году ў Нью-Ёрку. Першае паседжаньне новай арганізацыі адбылося 24 ліпеня 1948 году. З моманту свайго стварэньня, яна была адказна за ліквідацыю воспы, гуляючы вядучую ролю ў гэтым пытаньні. У цяперашні час ейныя прыярытэты ўключаюць барацьба з інфэкцыйнымі захворваньнямі, у прыватнасці , ВІЧ/СНІДам, малярыяй і сухотамі, а таксама, зьмякчэньне наступстваў неінфэкцыйных захворваньняў, аховай сэксуальнага і рэпрадуктыўнага здароўя, разьвіцьця і старэньня чалавека, харчаваньня, харчовай бясьпекі і здаровага харчаваньня, гігіены працы, таксікаманіі. Іншымі мэтамі дзейнасьці САЗ зьяўляюцца павелічэньне супрацоўніцтва паміж краінамі ў сфэры аховы здароўя і барацьбы з пошасьцямі, а таксама ўсталяваньня нормаў складу лекаў і якасьці прадуктаў. Арганізацыя змагаецца таксама за ўсталяваньне мэдычнай бясьпекі для кожнага чалавека і зьмяншэньне сьмяротнасьці немаўлятаў.

Да асноўных посьпехаў дзейнасьці САЗ належаць: перамога над эпідэміямі малярыі, чумы, халеры, сухотаў праз масавыя вакцынацыі. САЗ таксама вальчыць са СНІДам.

Вонкавыя спасылкі[рэдагаваць | рэдагаваць крыніцу]

Commons-logo.svg  Сусьветная арганізацыя здароўясховішча мультымэдыйных матэрыялаў