Суэ́цкі кры́зіс 1956 году — палітычны крызіс і ўзброены канфлікт паміж Эгіптам і альянсам Вялікабрытаніі, Францыі і Ізраілю. Прычынай канфлікту была страта кантролю Вялікабрытаніі над Суэцкім каналам пасьля яго нацыяналізацыі Эгіптам. Вайсковы канфлікт скончыўся невырашальна, палітычнымі наступствамі сталі паслабленьне ўплыву эўрапейскіх краінаў у рэгіёне і ўзмацьненьне ўплыву Эгіпту і СССР на Блізкім Усходзе.
