Сымонэ Пэрота

Сымонэ Пэрота
Simone Perrotta
Пэрсанальная інфармацыя
Нарадзіўся	17 верасьня 1977 Эштан-андэр-Лайн, Ангельшчына
Рост	178
Вага	72
Пазыцыя	паўабаронца
Клюбная інфармацыя
Клюб	Рома
Нумар	20
Клюбы
Гады	Клюб	Гульні (галы)¹
1995—1998 1998—1999 1999—2001 2001—2004 2004—	Рэджына Ювэнтус Бары К’ева Рома	77 (1) 5 (0) 56 (1) 95 (6) 194 (32)
Нацыянальная зборная
2002—2009	Італія	48 (2)
¹ Колькасьць гульняў і галоў за прафэсійны клюб лічыцца толькі для нацыянальнай лігі,  адкарэктавана па стане на 10 лістапада 2010. ² Колькасьць гульняў і галоў за нацыянальную зборную ў афіцыйных матчах, адкарэктавана па стане на 10 лютага 2009.

Сымоне Пэрота (па-італьянску: Simone Perrotta; нарадзіўся 17 верасьня 1977 году ў горадзе Эштан-андэр-Лайн, Вялікі Манчэстэр, Ангельшчына) — італьянскі прафэсійны футбаліст, паўабаронца «Ромы» і нацыянальнай зборнай Італіі, чэмпіён сьвету 2006 году.

Біяграфія

Сымоне Пэрота нарадзіўся ў Ангельшчыне і жыў тамака да 6 гадоў, калі яго бацькі, якія валодалі пабам у Эштане, вырашылі вярнуцца ў Італію ў 1982 годзе.

Пэрота — выхаванец футбольнай школы «Рэджыны», у 1995 годзе ён дэбютаваў у Сэрыі «B» у складзе гэтай каманды і неўзабаве стаў важным гульцом асноўнага складу. У 1998 годзе яго набыў турынскі «Ювэнтус», аднак у яго склад Пэроту не атрымалася прабіцца з-за вельмі сур’ёзнай канкурэнцыі з боку Антоніё Контэ, Зынэдзіна Зыдана і Дыдзье Дэшама — за «Ювэнтус» ён правёў усяго 5 матчаў. У 1999 годзе ён адправіўся ў арэнду ў «Бары», у якім на два сэзоны стаў лідэрам каманды. У пачатку сэзону 2001—2002 гадоў Пэрота папоўніў шэрагі «К’ева» з Вэроны. Да зьдзіўленьня шматлікіх гэтая каманда паказала вельмі добрыя вынікі і ўзімку гэтага сэзону была на 1-м месцы ў Сэрыі «A». Пэрота стаў лідэрам і гэтай каманды.

У 2004 годзе Пэротта перайшоў у «Рому» і стаў незаменным гульцом адной з наймацнейшых сярэдніх лініяў у чэмпіянаце: Пісара — Пэрота — Тоцьці — Дэ Росі — Мансіні. Гуляючы за «Рому», Пэрота дамогся сталага месца ў складзе зборнай Італіі. Нядаўна ён падпісаў новы кантракт з рымскім клюбам, па якім ён будзе выступаць за «Рому» да 2010 году.

Нацыянальная зборная

Пэрота гуляў за зборную Італіі на моладзевым узроўні (да 21 году). У нацыянальнай зборнай ён дэбютаваў у 2002 годзе. Ён прымаў удзел у Эўра-2004, дзе забіў гол Баўгарыі. На пераможным для Італіі Чэмпіянаце сьвету 2006 году ў Нямеччыне Пэрота прыняў удзел ва ўсіх 7 матчах зборнай.