Сынгапурскі даляр

Зьвесткі зь Вікіпэдыі — вольнай энцыкляпэдыі.

Сынгапурскі даляр
Краіна:	Сынгапур
Падзел:	цэнт
Код ISO-4217:	SGD
Скарачэньне:	S$
Абменны курс: (даляр ЗША 19.10.2007)	1,4646

Сынгапу́рскі даля́р (па-кітайску: 新加坡元, па-тамільску: சிங்கப்பூர் வெள்ளி ,ISO 4217: SGD) — афіцыйная валюта Сынгапура з 7 красавіка 1967 году. Ён дзеліцца на 100 цэнтаў, мае скарачэньне S$.

[рэдагаваць] Гісторыя

Паміж 1845 і 1939 гадамі, у Сынгапуры выкарыстоўваўся Даляр Праліваў. Потым ён быў заменены на Малайскі даляр і, з 1953 году, далярам Малайі і Брытанскага Барнэа.

Сынгапур працягваў выкарыстоўваць агульную валюту да аб’яднаньня з Малайзіяй у 1963 годзе, але праз два гады пасьля атрыманьня незалежнасьці ў 1965 годзе, грашовы зьвяз паміж Малайзіяй, Сынгапурам і Брунэем быў разарваны. 7 красавіка 1967 году ў абарачэньне былі ўведзены першыя сынгапурскія манэты і банкноты. Тым не менш Сынгапурскі даляр быў прывязаны да Малайскага рынгіту да 1973 году, а узаемная прывязка да Брунэйскага даляра існуе і да нашых дзён.

У наш час кантролем за абарачэньнем сынгапурскага даляра займаецца Грашовае Агенцтва Сынгапура.

[рэдагаваць] Вонкавыя спасылкі

 Сынгапурскі даляр — сховішча мультымэдыйных матэрыялаў