Сыраядзеньне

Жывая ежа

Сыраядзеньне, сыраедзтва — ужываньне ў ежу не прыгатаваных (тэрмічная апрацоўка), не перапрацаваных (марынаваньне, квашаньне, кансэрвацыя) прадуктаў.
У залежнасьці ад жыцьцёвых абставін, набытых хвароб рацыён сыраеда можа складацца з сырой садавіны, гародніны, арэхаў, насеньня (якое магчыма прарасьціць), яек, сырой рыбы (напрыклад сашымі), сырога мяса (напрыклад карпачо) й непастэрызаваных, негамагенізаваных малочных прадуктаў (сырое малако, сыр, сыры йогурт).

Варыянты сыраядзеньня

Плады яблыні — адзін з варыянтаў пасілку садавінаеда

Па колькасьці ўжываемых прадуктаў

• усеяднае сыраядзеньне
• вэгетарыянскае сыраядзеньне
• вэганскае сыраядзеньне
• пажадлівае сыраядзеньне (сырамясаядзеньне, сыраядзеньне эпохі Палеаліту)
• садавінаядзеньне

Садавінаядзеньне альбо садавінаедзтва — гэта сыраедзтва, пры якім у ежу ўжываюцца выключна плады, зрываньне якіх не выклікае зьнішчэньня расьліны. Так напрыклад садавінаеды не ўжываюць морквы альбо салаты.

Па прынцыпах плянаваньня рацыёну

• сьмешанае сыраядзеньне
• монатрофнае сыраядзеньне

Глядзіце таксама

Вэганства

• Артатрафія
• Натуральная Гігіена
• Смузі
• Забароненая ежа й напоі