Сыстэма кіраваньня зьместам

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

Сыстэма кіраваньня зьместам, сыстэма кіраваньня кантэнтам або кантэнт-мэнэджэр (па-ангельску: Content management system, CMS) — рухавічок вэб-бачыны, які дазваляе кіраваць тэкставым і графічным зьместам вэб-бачыны, гэта значыць, зьмяняць ягонае інфармацыйнае напаўненьне, не клапоцячыся пра ўнутраны механізм пабудовы вэб-старонак. Некаторыя выгляды сайтаў падтрымліваць без сістэмы кіраваньня зьместам вельмі цяжка.

Зараз існуе мноства ўжо распрацаваных кантэнт-мэнэджэраў, у тым ліку і бясплатных. Іх можна падзяліць на тры тыпы па спосабе працы:

  1. Генэрацыя старонак па запыце. Кантэнт-мэнэджэры такога тыпу працуюць на аснове зьвязку «Модуль рэдагаваньня -> База дадзеных -> Модуль пада́ньня». Модуль паданьня генэруе старонку са зьместам пры запыце на яго на аснове інфармацыі з базы дадзеных. Інфармацыя ў базе дадзеных зьмяняецца з дапамогай модулю рэдагаваньня. Старонкі зноўку ствараюцца серверам пры кожным запыце, а гэта стварае нагрузку на сістэмныя рэсурсы. Нагрузка можа быць шматкроць паніжаная пры выкарыстаньні сродкаў кэшаваньня, якія маюцца ў сучасных вэб-серверах.
  2. Генэрацыя старонак пры рэдагаваньні. Кантэнт-мэнэджэры гэтага тыпу па сутнасьці ёсьць праграмамі для рэдагаваньня старонак, якія пры занясеньні зьменаў у зьмест сайта ствараюць набор статычных старонак. Пры такім спосабе ахвяруецца інтэрактыўнасць паміж наведвальнікам і зьмесцівам сайта.
  3. Зьмяшаны тып. Як вынікае з назову, спалучае ў сабе перавагі першых двух. Можа быць рэалізаваны шляхам кэшаваньня: модуль паданьня генэруе старонку адзін раз, у далейшым яна ў разы хутчэй падгружаецца з кэша. Кэш можа абнаўляцца як аўтаматычна, па заканчэньні некаторага тэрміну часу, або пры занясеньні зьменаў у вызначаныя падзелы сайта, так і ўручную па камандзе адміністратара.

Іншы падыход — захаваньне вызначаных інфармацыйных блокаў на этапе рэдагаваньня сайта і зборка старонкі з гэтых блокаў пры запыце адпаведнай старонкі карыстальнікам.

Тэрмін «кантэнт-мэнэджэр» можа таксама азначаць род чалавечай дзейнасьці (рэдактар сайта).

Вялікая частка сучасных сыстэм кіраваньня зьместам рэалізуецца з дапамогай візуальнага рэдактара — праграмы, якая стварае html-код з адмысловай спрошчанай разметкі, якая дазваляе карыстальніку прасьцей фарматаваць тэкст. Прыкладам апошняй зьяўляецца вікі-тэкст.

Спасылкі[рэдагаваць | рэдагаваць крыніцу]