Сьвятлана Зелянкоўская

Сьвятлана Зелянкоўская
Род дзейнасьці	акторка, артыстка
Дата нараджэньня	29 траўня 1977
Месца нараджэньня	Менск, БССР

Сьвятлана Генадзеўна Зелянкоўская (нарадзілася 29 траўня 1977 году ў Менску) — беларуская акторка, артыстка тэатру і кіно.

Скончыла Беларускую дзяржаўную акадэмію мастацтваў ў 1998 годзе. З таго самага году працуе ў Нацыянальным акадэмічным тэатры імя Янкі Купалы.

Сябра грамадзкага аб’яднаньня «Беларуская гільдыя актораў кіно».

Фільмаграфія

• Казка пра зорнага хлопчыка (1983)
• Ідзі і глядзі (1985)
• Каменская (тэлесэрыял), 2000
• Бітва пяці воінстваў (2000) … Дзеўчына на параходзе
• Анастасія Cлуцкая (2003) … Княгіня Анастасія Слуцкая
• Акупацыя. Містэрыі (2004) … Ева
• Тры талеры (2005) … мама
• Я — сышчык (тэлесэрыял) (2006)
• Суд (тэлесэрыял) (2006)
• Вакцына (тэлесэрыял) (2006)
• Маёр Ветраў (2007) … Бляндынка
• Рыярыта (2008) … палонная немка
• Аднойчы ў Барахляндыі (2010) - Каралева Шамбэля

Узнагароды

• Прыз «Лепшы дыбют на фэстывалі» VI Міжнароднага тэатральнага фэстывалю «Белая вежа» за ролю Барбары ў спэктаклю «Чорная панна Нясьвіжа», 2001
• Прыз «За лепшую жаночую ролю» — фэстываль «Надзея» за ролю Барбары ў спэктаклі «Чорная панна Нясьвіжа», 2001, Горадня
• Ляўрэатка «PRемiя-2003» ў намінацыі «Лепшая PR-пэрсона» за стварэньне вобраза году (ролі ў кінафільмах «Легенда аб Анастасіі Слуцкай» і «Акупацыя»), 2003
• Дыплём «За лепшы дэбют у кіно» МКФ «Залаты Віцязь» — фільм «Анастасія Слуцкая», 2003
• Прыз за лепшы дэбют на VI МКФ «Брыгантына» — фільм «Анастасія Слуцкая», 2003
• Адмысловы прыз X Менскага МКФ «Лiстапад-2003» «За яскравы дэбют і патрыятызм» — фільм «Анастасія Слуцкая», 2003
• Прыз IV Міжнароднага акторскага фэстывалю «Стожары» за лепшы дыбют — фільм «Анастасія Слуцкая», 2003, Кіеў
• Прыз за лепшую жаночую ролю ў тэатральным конкурсе XIV Менскага МКФ «Лiстапад-2007» за ролю Лэдзі Макбэт ў спэктаклі «Макбэт», 2007

Вонкавыя спасылкі

• Біяграфія і іншае на «Людзі тэатру і кіно»^(рас.)
• Фота на «Сьмяротным архіве»^(рас.)