Сьцяг Беларусі

Зьвесткі зь Вікіпэдыі — вольнай энцыкляпэдыі.

	Прапануецца аб'яднаць гэтую старонку з Беларускі дзяржаўны сьцяг Абмяркуйце гэтую прапанову на старонцы абмеркаваньня.

Сьцяг Беларусі (ад 1995), палатно 1:2

Дзяржаўны сьцяг Беларусі ўяўляе сабой палотнішча памерамі 1:2, падзеленае гарызантальна на чырвоную і зялёную палосы ў прапорцыі адпаведна 2:1. Уздоўж дрэўка знаходзіцца арнамэнт, чырвоны на белым фоне. Быў афіцыйна прыняты 7 чэрвеня 1995 году.

Гэты сьцяг зьяўляецца мадыфікацыяй сьцягу БССР 1951 году, які выкарыстоўваўся ў той час калі краіна была рэспублікай Савецкага Саюзу.

Некаторыя грамадзкія арганізацыі працягваюць выкарыстоўваць беларускі нацыянальны бел-чырвона-белы сьцяг, хоць яго адлюстраваньне ў Беларусі забаронена ўрадам прэзыдэнта Аляксандра Лукашэнкі. Гэты сьцяг выкарыстоўваецца ў пратэстах супраць урада і беларускай дыяспарай.

[рэдагаваць] Дызайн

За аснову новага сьцягу быў узяты сьцяг БССР, зь якога былі прыбраныя серп і молат і чырвоная зорка. Колер арнамэнту быў інвэртаваны (замест белага арнамэнту на чырвоным фоне зьявіўся чырвоны арнамэнт на белым фоне).

[рэдагаваць] Гісторыя

[рэдагаваць] БССР

Асноўны артыкул: Сьцяг Беларускай ССР

Сьцяг Беларускай ССР — рэспубліканскі сымбаль Беларускай ССР. Зацьверджаны 25 сьнежня 1951 году і праіснаваў да выхаду Рэспублікі Беларусь з складу СССР.

[рэдагаваць] Ад БССР да Рэспублікі Беларусь

Беларускі нацыянальны сьцяг і Дзяржаўны сьцяг Беларусі 1991-1995 гг.

27 ліпеня 1990 году Вярхоўны Савет БССР прымае дэклярацыю аб дзяржаўным сувэрэнітэце рэспублікі. Афіцыйная назва дзяржавы было зьменена на Рэспубліка Беларусь. 25 жніўня 1991 году Беларусь абвяшчае незалежнасьць ад СССР. Яшчэ ў 1990 годзе ўлады Менску дазволілі выкарыстоўваць разам з дзяржаўным сьцягам БССР бел-чырвона-белы нацыянальны сьцяг, ён нават вывешваўся над будынкам гарсавету.

19 верасьня 1991 году Вярхоўны Савет Рэспублікі Беларусь па прапанове дэпутата Н.С.Гілевіча прыняла Закон «Аб Дзяржаўным сьцягу Рэспублікі Беларусь», які зацьвердзіў бел-чырвона-белы сьцяг як дзяржаўны. 10 сьнежня 1991 году Пастановай Вярхоўнага Савету было зацьверджана Становішча аб Дзяржаўным сьцягу Рэспублікі Беларусь.

[рэдагаваць] Рэфэрэндум 1995 году

Прэзыдэнт Лукашэнка прапанаваў такі дызайн беларускага сьцягу

Асноўны артыкул: Рэфэрэндум у Беларусі 1995 году

Ужо ў 1993 годзе дэпутат Лукашэнка прапаноўваў правесьці рэфэрэндум па сымболіцы, але парлямэнт тады не падтрымаў гэтую ідэю. 21 сакавіка 1995 году прэзыдэнт прапанаваў варыянт сьцягу з трох палосаў: зялёнай, чырвонай (шырокай) і зялёнай, а 23 сакавіка зьявіліся новыя праекты сьцягу і гербу, высунутыя на рэфэрэндум.^[1]

14 траўня 1995 году адбыўся ініцыяваны прэзыдэнтам Лукашэнка агульнанацыянальны рэфэрэндум па пытаньні аб нацыянальнай сымболіцы. За прапанаваныя прэзыдэнтам варыянты гербу і сьцягу прагаласавала 75,1% выбаршчыкаў (або 47% мелых права галасу). Ужо 16 траўня новыя сьцягі былі вывешаныя над будынкам Вярхоўнага Савету Беларусі і іншымі афіцыйнымі органамі. Пасьля апублікаваньня вынікаў рэфэрэндуму прэзыдэнт 7 чэрвеня 1995 году выдаў указ №214, які зацьвердзіў Становішча аб Дзяржаўным сьцягу. Сьцяг амаль паўтарае стары сьцяг БССР 1951 году, але зорка і серп і молат выдаленыя, а колеры арнамэнту на вэртыкальнай паласе ўздоўж тронка зьмененыя на процілеглыя.^[1]

5 ліпеня 2004 году Законам РБ «Аб дзяржаўных сымбалях Рэспублікі Беларусь» (№301-3) дзяржаўны сьцяг быў пацьверджаны. Апісаньне сьцягу ўтрымоўваецца ў артыкуле 4 Разьдзелу 2 гэтага Закону:

Дзяржаўны сьцяг Рэспублікі Беларусь уяўляе сабой прастакутнае палотнішча, якое складаецца з двух гарызантальных каляровых палос: верхняй — чырвонага колеру і ніжняй — зялёнага колеру. Суадносіны шырыні палос чырвонага і зялёнага колераў — 2:1. Суадносіны шырыні Дзяржаўнага сьцягу Рэспублікі Беларусь да яго даўжыні — 1:2. Каля тронка вэртыкальна разьмешчаны беларускі нацыянальны арнамэнт чырвонага колеру на белым полі, якое складае 1/9 даўжыні Дзяржаўнага сьцягу Рэспублікі Беларусь.

[рэдагаваць] Аналіз

Чырвоны і зялёны — гэта неспалучаныя колеры.^[2] Таксама яны нехарактэрны для беларускай культуры.

[рэдагаваць] Гісторыя Дзяржаўнага сьцягу Беларусі

1183—1795 (Вялікае княства Літоўскае)	1918 (БНР)	1919 (ЛітБел)	1919—1937 (ССРБ)
1937 — 1940-я (БССР)	1940-я — 1951 (БССР)	1951—1991	1991—1995