Сьцяг Польшчы

Сьцяг Польшчы

Дзяржаўны сьцяг Польшчы

Нацыянальны сьцяг Польшчы

Нацыянальны сьцяг Польшчы складаецца з двух роўнавялікіх гарызантальных палос, верхняя паласа — белая і ніжняя чырвоная. Суадносіны бакоў сьцяга 5:8 (шырыня:даўжыня).

На дзяржаўным сьцягу Польшчы разьмешчаны таксама герб у цэнтры верхняй паласы.

Гісторыя

Першапачаткова, у сярэднія стагодзьдзі, выкарыстоўваўся чырвоны сьцяг з намаляваным на ім белым арлом. Пад такім сьцягам ваявалі польскія войскі караля Уладзіслава Ягайла ў бітве пры Грунвальдзе ў 1410 г.

Сьцяг Жыгімонта III Вазы складаўся з трох палос (верхняя і ніжняя — чырвоныя і белая ў сярэдзіне). Сьцягі Уладзіслава IV і Яна II Казіміра складаліся з чатырох палос (першая і трэцяя зьверху — чырвоныя, другая і чацьвёртая зьверху — белыя). На сьцягах разьмяшчаўся дзяржаўны герб.

У пэрыяд кіраваньня Аўгуста II Моцнага белыя стужкі сталі мацавацца да шаломаў польскіх уланаў. Падчас Чатырохгадовага сойма (1788—1792) зьявіліся чырвона-белыя стужкі.

Нацыянальны сьцяг быў фармальна зацьверджаны Соймам 7 лютага 1831 г. Чырвона-белыя сьцягі і стужкі выкарыстоўваліся як сымбалі нацыянальных паўстаньняў у XIX стагодзьдзі. Пасьля ўзнаўленьня незалежнасьці Польшчы ў 1918 г. чырвона-белы сьцяг быў афіцыйна зацьверджаны Соймам 1 жніўня 1919 г.у якасьці нацыянальнага і з тых часоў зьменам не падвяргаўся.

Глядзіце таксама

• Герб Польшчы
• Гімн Польшчы

Вонкавыя спасылкі

 Сьцяг Польшчы — сховішча мультымэдыйных матэрыялаў