Сэкс

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

Сэкс (любошчы[1]; лац. sexus — пол) — дзейнасьць чалавека з мэтай атрымаць сукупнасьць псыхічных і фізыялягічных рэакцый, перажываньняў і ўчынкаў, зьвязаных з выяўленьнем і задавальненьнем палавой цягі або жаданьня працягнуць род. Упершыню значэньне слова «сэкс» у сэнсе каітус зарэгістравана ў 1929 годзе.

Сэкс можа быць сродкам:

  • размнажэньня,
  • выяўленьня каханьня,
  • зносінаў, усталяваньня інтымнай блізкасьці паміж партнэрамі,
  • атрыманьня задавальненьня — гл. Аргазм,
  • паляпшэньня фізычнага і эмацыйнага стану,
  • рэлігійнай або містычнай практыкі,
  • атрыманьня прыбытку — гл. Прастытуцыя.

У шэрагу выпадкаў сэкс можа быць змушаным — гл. згвалтаваньне, а таксама зьяўляцца спосабам перадачы вэнэрычных хваробаў.

У любым грамадзтве сэкс і выяўленьні сэксуальных паводзінаў людзей зьяўляецца прадметам сацыяльных, ідэалягічных і крымінальных абмежаваньняў. Як правіла, чым аўтарытарней грамадзтва, тым гэтыя абмежаваньні мацней. Напрыклад, у СССР і фашысцкай Нямеччыне мужчынскі гомасэксуалізм быў крымінальным злачынствам. Таксама, у шматлікіх краінах (як ісламскіх, так і хрысьціянскіх) шлюбная нявернасьць таксама прызнаецца злачынствам, за якое можа быць прызначаная альбо матэрыяльная, альбо крымінальная адказнасьць, аж да сьмяротнага пакараньня сьмерцю.

Тэхніка[рэдагаваць | рэдагаваць крыніцу]

Упершыню падрабязнае апісаньне як сэксуальных пазыцый, так і мастацтва каханьня зьявілася, відаць, у Індыі — знакамітая «Кама Сутра» і некалькі менш вядомая «Ананга Рангу». У XX ст. выйшаў цэлы шэраг папулярных кніг, прысьвечаных тэхніцы сэксу.

Як сьведчыць беларускі фальклор, найбольш распаўсюджанай тут была клясічная эўрапейская пазыцыя «мужчына зьверху»:

   Не лажыся, Марка, бокам -
   Гэта табе не нарокам.
   Да лажыся правусенька:
   Будзе табе да мілюсенька.

Даволі часта ў фальклоры сустракаецца ўказаньне і на пазыцыю «мужчына ззаду»:

   Як у полі, ў полі
   Пасець дзеўка коні.
   Прыйшоў да яе Якаў -
   Ставіў дзеўку ракам;

а таксама «вершніца» ці «жанчына зьверху»:

   Сядзіць свацьця на елі,
   Распусьціўшы калені.

Беларусь[рэдагаваць | рэдагаваць крыніцу]

Сярэдні ўзрост пачатку плоцевых зносінаў у Беларусі складае 14 гадоў[2]. Больш паловы зачацьцяў у няпоўнагадовых адбываецца ў нецьвярозым стане[3].

Глядзіце таксама[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg  Сэкссховішча мультымэдыйных матэрыялаў