Сэм’юэл Морзэ
| Сэм’юэл Морзэ | |
| Сэм’юэл Фінлі Брыз Морзэ | |
 Сэм’юэл Морзэ, 1866 год |
|
| Род дзейнасьці | вынаходніцтва, мастацтва |
|---|---|
| Дата нараджэньня | 27 красавіка 1791 |
| Месца нараджэньня | Чарльзтаўн, Масачусэтс, ЗША |
| Дата сьмерці | 2 красавіка 1872 |
| Месца сьмерці | Нью-Ёрк, ЗША |
Сэ́м’юэл Фі́нлі Брыз Мо́рзэ (27 красавіка 1791 — 2 красавіка 1872) — адзін з вынаходнікаў аднадротавага электрычнага тэлеграфу, адзін са стваральнікаў азбукі Морзэ, мастак.
Зьмест |
Дзяцінства і адукацыя [рэдагаваць]
Сэм’юэл Морзэ нарадзіўся ў Чарльзтаўне, Масачусэтс у географа і пастара Джэдзідая Морзэ і Элізабэт Эн Фінлі Брыз.[1] Бацька Сэм’юэла быў прапаведнікам кальвінізму і прыхільнікам Фэдэралісцкай партыі ЗША. Сэм’юэл Морзэ быў выхаваны ў кальвінісцкіх традыцыях, чаму вельмі паспрыяў Джэдзідай, які верыў, што выхаваньне мусіла весьціся на фэдэралісцкай глебе, якая захоўвала блізкія да пурытанскіх традыцыі.
Пасьля Акадэміі Філіпса (Эндовэр, Масачусэтс) Сэм’юэл Морзэ паступіў у Ельскі каледж для атрыманьня дадатковых ведаў у рэлігійнай філязофіі, матэматыцы і конегадоўлі. У каледжы ён наведваў лекцыі па электрычнасьці, якія праводзілі Бэнджамін Сылмэн і Джэрэмі Дэй. Сябе Морзэ забясьпечваў сам — карцінамі. Пасьля выпуску з Ельскага каледжу быў прыняты ў ганаровае таварыства Фі Бэта Капа.
Тэлеграф [рэдагаваць]
Хоць Морзэ ў першую чаргу зьвязваюць са стварэньнем коду Морзэ, але ён зрабіў вялікі ўнёсак у вынаходніцтва электрычнага тэлеграфу як сродку сувязі на вялікіх дыстанцыях.
У 1825 годзе нью-ёрскія ўлады далі ўзнагароджаньне памерам $1000 на напісаньне партрэту Мары-Жозэфа Ляфаета ў Вашынгтоне. Падчас напісаньня партрэту Морзэ атрымаў ліст ад бацькі і, прачытаўшы толькі радок «Твая любая жонка ачуньвае», адправіўся дамой у Нью-Гэван, так і ня скончаўшы замову. Але пакуль ён прыехаў, жонка была пахаваная.[2] Засмучаны тым, што ўвесь час ён ня ведаў пра пагаршэньне стану жонкі, ён вырашыў зьмяніць сваё дзейнасьці з мастацтва на стварэньне спосабу хуткай перадачы зьвестак на вялікай адлегласьці.[3]
Падчас марской вандроўкі дадому ў 1832 годзе пазнаёміўся з Чарлзам Томасам Джэксанам, які быў знаёмы з электрамагнэтызмам. Назіраючы за экспэрымэнтамі Джэксана з электрамагнітам, Морзэ распрацаваў прынцыпы аднадротавага тэлеграфу.
Крыніцы [рэдагаваць]
- ^ Samuel F. B. Morse. Праверана 18 чэрвеня 2010. (анг.)
- ^ Бэліс, Мэры. Timeline: Biography of Samuel Morse 1791—1872, The New York Times Company, 2009 год (анг.)
- ^ Бэліс, Мэры. The Communication Revolution, The New York Times Company, 2009 год (анг.)
Вокнавыя спасылкі [рэдагаваць]
Сэм’юэл Морзэ — сховішча мультымэдыйных матэрыялаў
- Публікацыі Сэм’юэла Морзэ і пра яго (анг.)
- Прамова Морзэ ў Нацыянальнай Акадэміі Дызайну (ЗША) наконт дагератыпаў, 1840 год
 |
Гэта — накід артыкула пра чалавека. Вы можаце дапамагчы Вікіпэдыі, пашырыўшы яго. |
