Зорачкі на Зямлі

Зьвесткі зь Вікіпэдыі — вольнай энцыкляпэдыі
(Перанакіравана з «Таары замін пар»)
Таары замін пар
Taare Zameen Par
Жанр драматычны фільм[d][1][2], дзіцячы фільм[d] і музычны фільм[d][3][4]
Рэжысэр Аамір Хан
Сцэнарыст Амоле Гуптэ
Прадусар Аамір Хан
У ролях
Кампазытар
Апэратар Сэту
Мантаж Дыпа Бхат’я
Вытворчасьць Індыя:
Aamir Khan Productions (фільм)
UTV Home Entertainment (DVD)
Міжнародная:
PVR Pictures (фільм)
Buena Vista Home Entertainment (DVD)
Распаўсюд Rai[d] і Netflix
Дата выхаду 21 сьнежня 2007
Працягласьць 164 хвіліны
Краіна Індыя
Мова гіндзі
ангельская
Бюджэт 12 крораў
Прыбытак 88,97 крораў
Старонка на IMDb
Афіцыйны сайт

«Таары замін пар» (гіндзі: तारे ज़मीन पर, урду: تارے زمین پر), перавыдадзены студыяй Disney пад назвай «Як зорачкі на Зямлі» (па-ангельску: Like Stars on Earth) — індыйскі драматычны фільм рэжысэра Ааміра Хана, выдадзены ў 2007 року. Стаў адным з найбольш пасьпяховых балівудзкіх фільмаў. Ролю настаўніка згуляў сам Аамір Хан, для якога гэты фільм стаў рэжысэрскім дэбютам.

Фільм апавядае гісторыю васьмігадовага Ішаана (Даршыль Сафары). Ён вельмі захапляецца маляваньнем, аднак з-за благіх паказьнікаў па іншых прадметах бацькі накіроўваюць яго ў інтэрнат. Новы настаўнік Ішаана (Аамір Хан) высьвятляе, што ў хлапца дысьлексія, і дапамагае пераадолець ягоныя цяжкасьці.

«Таары замін пар» атрымаў некалькі ўзнагародаў, сярод якіх Узнагарода Filmfare за найлепшы фільм і Нацыянальную прэмію Індыі за найлепшы фільм пра сямейны дабрабыт (абедзьве — 2008). Акрамя таго, факт ягонага перавыданьня на дыснэеўскім DVD зрабіў фільм першым індыйскім, правы на распаўсюд якога набыла міжнародная кампанія.

Узнагароды[рэдагаваць | рэдагаваць крыніцу]

Узнагароды Зорны экран:

  • Зорны экран найлепшаму рэжысэру — Аамір Хан (разам з Шыміт Амінам за «Чак дэ! Індыя»)
  • Зорны экран за найлепшы рэжысэрскі дэбют — Аамір Хан
  • Зорны экран найлепшаму актору другога пляну — Аамір Хан
  • Прэмія журы Зорнага экрану найлепшаму актору — Даршыл Сафары
  • Зорны экран за найлепшую дзіцячую ролю — Даршыл Сафары
  • Зорны экран за найлепшы сцэнар — Амоле Гуптэ
  • Зорны экран за найлепшыя дыялёгі — Амоле Гуптэ
  • Зорны экран за найлепшыя тэксты песьняў — Прасаон Джошы

Дадатковыя зьвесткі[рэдагаваць | рэдагаваць крыніцу]

  • Лаліта Ляймі, індыйская мастачка, згуляла ў фільме самую сябе. Зьяўляецца ў фільме ў складзе журы конкурсу малюнкаў.
  • Амоле Гуптэ напісаў сцэнар, у якім ушанаваў памяць свайго настаўніка маляваньня — «Нікхумба Сэра» — і сам намаляваў большасьць малюнкаў, што характарызавалі ўнутраны сьвет Ішаана.
  • Сальман Хан прапанаваў Аамір Хану назваць фільм «Зорачкі на зямлі» (Таары замін пар). Назва ўзятая зь песьні «Не губляйце зорак на Зямлі», якая выконваецца ў фільме.
  • Хата ў Панчгані, у якой Рам (Аамір Хам) побач са здымкам сваіх бацькоў зьмяшчае мадэль самалёта-карабля, збудаванага хлопчыкам, сапраўды належыць Ааміру.
  • Спрабуючы ўсталяваць кантакт з закрытым маўклівым хлапцом, настаўнік распавядае пра людзей, якія, як і той, дысьлектыкі: Айнштайна, Леанарда да Вінчы, Эдысана, Пікаса і Абхішка Бачана, які ў дзяцей асацыюецца з «Дхумам».

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]