Тотэнгэм Готспур

Тотэнгэм Готспур
Поўная назва	Футбольны клюб «Тотэнгэм Готспур»
Мянушкі	Шпоры, Лілова-белыя
Заснаваны	1882
Горад	Лёндан, Ангельшчына
Стадыён	Ўайт Гарт Лэйн Умяшчальнасьць: 36 310
Прэзыдэнт	Дэніэл Лэві
Галоўны трэнэр	Гары Рэднап
Чэмпіянат	Прэм’ер-Ліга
· 2010—11	5 месца
Хатнія колеры Выязныя колеры Трэція колеры

Тотэнгэм Готспур (па-ангельску: Tottenham Hotspur FC) — ангельскі футбольны клюб. Штаб-кватэра і стадыён знаходзяцца ў паўночнай частцы Лёндану. За сваю больш чым стогадовую гісторыю клюб стаў адным з самых тытулаваных на імглістым Альбіёне. Дата заснаваньня клюбу — 1882 год. Дэвіз клюбу ёсьць Audere est Facere («Адважыцца — значыць зрабіць»).

«Тотэнгэм Готспур» першым у XX стагодзьдзі зрабіў залаты дубль, выйграўшы й чэмпіянат, і Кубак Ангельшчыны ў сэзоне 1960—1961 гадоў. У 1963 годзе «Шпоры» сталі першым брытанскім клюбам, які стаў уладальнікам эўрапейскага кубка, як то Кубка ўладальнікаў кубкаў УЭФА. У 1980-я гады «Шпоры» выйгралі некалькі трафэяў: двойчы Кубак Ангельшчыны, Супэркубак Ангельшчыны, Кубак УЭФА ў сэзоне 1983—1984 гадоў. У 2008 годзе клюб выйграў Кубак Футбольнай лігі, перайграўшы ў фінале «Чэлсі» зь лікам 2:1 у дадатковы час, такім чынам, «Тотэнгэм» атрымоўвае тытул хоць бы адзін раз на дэкаду на працягу апошніх 60 гадоў, як і «Манчэстэр Юнайтэд».

«Тотэнгэм» мае даўняе суперніцтва з бліжэйшым суседам «Арсэналам»: матчы паміж гэтымі двума камандамі называюць «Паўночналёнданскім дэрбі».

Гісторыя

Заснаваньне

Гісторыя клуба «Тотэнгэм Готспур» пачалася 5 верасьня 1882 году, калі некалькі вучняў адной зь мясцовых школ вырашылі заснаваць сваю футбольную каманду. Яны былі сябрамі крыкетнага клюба, але крыкетны сэзон ужо скончыўся, а хацелася пагуляць яшчэ ў што-небудзь. Першапачаткова каманда звалася «Готспур» у гонар сэра Гэнры Пэрсі па мянушцы Готспур, якую ён атрымаў за запальчывы нораў. Першапачатковы офіс маладога клюба знаходзіўся ў Асацыяцыі маладых хрысьціян. З 1884 клюб атрымаў сваю сёньняшнюю назву, каб клюб ня блыталі зь іншай камандай — «Лёндан Готспур».

1887—1919 гады

Першы афіцыйна зарэгістраваны матч «Тотэнгэм» правёў супраць клюба «Даян Сквер» — продка будучага «Арсэнала». Гульня так і ня скончылася з-за зьмярканьня, але на момант заканчэньня гульні лік быў 2:1 на карысць «Тотэнгэма». А першы афіцыйны матч на першынство Ангельшчыны адбыўся 24 верасьня 1892 году ў першынстве Паўднёвага альянсу. Быў пераможаны «Політэхнік» зь лікам 2:1.

Дасягненьні

• Чэмпіёны Ангельшчыны — сэзоны 1950/51, 1960/61.
• Уладальнікі Кубка Ангельшчыны — 1900/01, 1920/21, 1960/61, 1961/62, 1966/67, 1980/81, 1981/82, 1990/91.
• Уладальнікі Кубка ангельскай лігі — 1971, 1973, 1999, 2008.
• Уладальнікі Кубка кубкаў — 1962/1963.
• Уладальнікі Кубка УЭФА — 1971/72, 1983/84.

Склад каманды

Па стане на 2 лютага 2012 году.

№ Пазыцыя Імя Год нараджэньня 1 Бр Эўрэліё Гомэс 1981 3 Аб Гэрэт Бэйл 1989 4 Аб Юнэс Кабуль 1986 6 ПА Том Гадлстоўн 1986 7 ПА Ааран Ленан 1987 8 ПА Скот Паркер 1980 10 Нап Эманюэль Адэбаёр (у арэндзе з «Манчэстэр Сіці») 1984 11 Нап Рафаэль ван дэр Ваарт 1983 13 Аб Ўільям Галяс 1977 14 ПА Лука Модрыч 1985 15 Нап Люі Саа 1978 17 Нап Джаваньні дос Сантас 1989 18 Нап Джэрмэйн Дэфо 1982 20 Аб Майкл Доўсан (віцэ-капітан) 1983

№ Пазыцыя Імя Год нараджэньня 21 ПА Ніка Краньчар 1984 23 Бр Карлё Кудычыні 1973 24 Бр Брэд Фрыдэль 1971 25 ПА Дэні Роўз 1988 26 Аб Лэдлі Кінг (капітан) 1980 28 Аб Кайл Ўокер 1990 29 ПА Джэйк Лівэрмоўл 1989 30 ПА Сандру 1989 32 Аб Бэнуа Асу-Экато 1984 33 Аб Раян Нэльсэн 1977 36 Аб Бангані Кумало 1987 38 ПА Дэйвід Бэнтлі 1984 42 Нап Сайман Доўкінз 1987

Вонкавыя спасылкі

 Тотэнгэм Готспур — сховішча мультымэдыйных матэрыялаў

• Афіцыйны сайт ^(анг.)
• Сайт заўзятараў Тотэнгэм Готспур ^(рас.)