Уладзімер Ярмак

Уладзімер Ярмак
Помнік У. Ермаку ў сквэры на плошчы Кулібіна і вуліцы Валодзі Ермака у Санкт-Пецярбургу
Род дзейнасьці	савецкі вайсковы дзеяч, Герой Савецкага Саюзу
Дата нараджэньня	15 траўня 1924
Месца нараджэньня	Бабруйск, БССР
Дата сьмерці	19 ліпеня 1943
Месца сьмерці	Сінявінскія вышыні, Ленінградзкая вобласьць, РСФСР

Уладзімер Іванавіч Ярмак (15 траўня 1924, Бабруйск — 19 ліпеня 1943, Сінявінскія вышыні, Ленінградзкая вобласьць, Расея) — Герой Савецкага Саюзу, стралок, лейтэнант.

Біяграфія

Сын вайскоўца, расейца паводле нацыянальнасьці. Атрымаў няпоўную сярэднюю адукацыю. Працаваў сьлесарам на заводзе ў горадзе Ніжні Тагіл.

У Чырвонай Арміі з жніўня 1942, на фронце Вялікай Айчыннай вайны з кастрычніка 1942. Стралок 14-га асобнага штрафнога батальёну (42-я армія, Ленінградзкі фронт) лейтэнант Ярмак 19 ліпеня 1943 падчас правядзеньня выведкі боем у раёне Сінявінскіх вышыняў зачыніў сваім целам амбразуру варожае агнявое кропкі, чым забясьпечыў групе выведнікаў выкананьне баявога заданьня.

Пахаваны ў раёне пасёлка гарадзкога тыпу Сінявіна Кіраўскага раёну Ленінградзкай вобласьці Расеі. 21 лютага 1944 пасьмяротна атрымаў званьне Героя Савецкага Саюзу.

Узнагароды

• Мэдаль «Залатая Зорка» Героя Савецкага Саюзу;
• Ордэн Леніна;
• Ордэн Чырвонага Сьцяга.

Памяць

• Імем У.Ермака названая вуліца Валодзі Ярмака у Санкт-Пецярбургу.
• Ушанаваны ў мэмарыяле «Сінявінскія вышыні».
• У 1997 у сквэры на плошчы Кулібіна ў Санкт-Пецярбургу на народныя грошы яму быў усталяваны помнік.

Літаратура

• Буров А. В. Твои Герои, Ленинград. 2-е изд., доп. Л.: Лениздат, 1970
• Герои Советского Союза: Краткий биографический словарь. Т.1. М.:Воениз.1987.
• Звягинцев В. Трибунал для героев. М. ОЛМА-ПРЕСС, 2005 г.
• Солдатов В. А. Матросовы в битве за Ленинград, — Л.,1966

Вонкавыя спасылкі

 Уладзімер Ярмак — сховішча мультымэдыйных матэрыялаў