Усама бін Ладэн

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Усама бін Ладэн
Бін Ладэн у 2010 годзе
Бін Ладэн у 2010 годзе
Кіраўнік Аль-Каіды
1988 — 2 траўня 2011
Наступнік: Айман аль-Завахіры
Асабістыя зьвесткі:
Нарадзіўся: 10 сакавіка 1957
Эр-Рыяд, Саудаўская Арабія
Памёр: 2 траўня 2011
Абатабад, правінцыя Хайбэр-Пахтунхва, Пакістан
Сужэнец: 5 — Наджва Ганем
Ум Хамза
Ум Халід
Ум Алі
Дзеці: 20 — Абдала, Амар, Саад, Усама, Мухамад Алі, Хамза
Бацькі: Мухамад Авад бін Ладэн
Хаміда аль-Атаас
Адукацыя: Унівэрсітэт імя караля Абдэль Азіза (1979)
Рэлігія: Іслам

Усама бін Мухамад бін Авад бін Ладэн (араб. أسامة بن محمد بن عوض بن لادن) — заснавальнік ісламскай тэрарыстычнай арганізацыі «Аль-Каіда». 7 чэрвеня 1998 г. Фэдэральнае бюро расьсьледаваньняў ЗША улучыла яго ў сьпіс 10 найбольш вышукваных зьбеглых злачынцаў. Дзяржаўны дэпартамэнт ЗША абвясьціў $25 млн узнагароды за зьвесткі, што прывялі б да яго злову. Яшчэ $2 млн вылучылі Міжнароднае аб'яднаньне авіяпілётаў і Аб'яднаньне паветранага транспарту Амэрыкі.

Нарадзіўся ў сям’і савудаўскага будаўнічага мільярдэра Мухамэда бін Ладэна ад ягонай 10-ай жонкі. Быў 17-ым з 52 яго дзяцей. У 1979 годзе скончыў факультэт эканомікі і мэнэджмэнту ўнівэрсітэта імя караля Абдэль Азіза ў Джыдзе (вобласьць Мэка). Пазьней заняўся будаўніцтвам ды браў удзел у мусульманскім супраціве савецкаму ўварваньню ў Аўганістан. У 1984 годзе сумесна з Абдулой Азамам заснаваў для падтрымкі паўстанцаў «Бюро паслуг» (Мактаб аль-Хідамат).

У 1989 годзе вярнуўся да сямейнага будаўнічага прадпрыемства ў Джыдзе, адкуль пачаў падтрымліваць апазыцыю ў Емэне ды самой Саудаўскай Арабіі. Пры гэтым выступіў супраць разьмяшчэньня амэрыканскага войска ў краіне пасьля ірацкага ўварваньня ў 1990 годзе ў Кувэйт. Калі ў выніку ў 1991 годзе ўрад выслаў яго з краіны, той перабраўся ў Судан, дзе праклаў па пустэльні 1200 кілямэтраў (1/4 агульнай працягласьці) дарогаў. Таксама заклаў у Хартуме найбуйнейшы ў Афрыцы фармацэўтычны завод і досьледны цэнтар пры ім. Адначасна займаўся гандлем нявольнікамі.

У 1993 годзе падтрымліваў самалійскіх паўстанцаў, што нападалі на міратворцаў ад Арганізацыі аб'яднаных народаў. З 1995 году падтрымліваў чачэнскіх паўстанцаў ды дасылаў супольнікаў «Аль-Каіды» на Паўночны Каўказ. У 1996 годзе заклікаў мусульманаў забіваць амэрыканскіх вайскоўцаў у Саудаўскай Арабіі ды Самалі. Празь месяц пасьля высылкі ў траўні 1996-га з Судана перабраўся ў Аўганістан. У 1998 годзе заклікаў мусульманаў забіваць амэрыканскіх грамадзянаў. Падазраваўся ў падрыхтоўцы падрываў амэрыканскіх амбасадаў у Найробі (Кенія) і ў Дар-эс-Саламе (Танзанія) 7 жніўня 1998 году, у выніку якіх загінула 213 чалавек і каля 5000 было паранена. Таксама падазраваўся ў падрыхтоўцы захопу 4 пасажырскіх самалётаў ды іх накіраваньня на будынкі Сусьветнага гандлёвага цэнтру (Нью-Ёрк) і Пэнтагона 11 верасьня 2001 году, у выніку чаго загінула 2993 чалавекі, у тым ліку 19 згоншчыкаў. У 2004 годзе ў відэазвароце пацьвердзіў свой удзел у падрыхтоўцы нападу ў 2001 годзе[1]. Зь 2005 г. хаваўся ў пакістанскім горадзе Абатабад (правінцыя Хайбэр-Пахтунхва)[2].

Забіты амэрыканскімі вайскоўцамі 2 траўня 2011 году ў Пакістане[3].

Меў 5 жонак. З 17 сыноў двое — Хамза і Саад — маюць дачыненьне да «Аль-Каіды».

Крыніцы[рэдагаваць | рэдагаваць крыніцу]

  1. ^ Сяргей Гезгала (2 траўня 2011) Асама бен Ладэн забіты Сьвет. Наша НіваПраверана 3 жніўня 2011 г.
  2. ^ Белы дом скарэктаваў першапачатковыя заявы пра ліквідацыю «тэрарыста №1» // Зьвязда : газэта. — 5 траўня 2011. — № 82 (26946). — С. 1. — ISSN 1990-763x.
  3. ^ Як забівалі бін Лядэна. Падрабязнасьці Палітыка. Радыё «Свабода» (2 жніўня 2011). Праверана 3 жніўня 2011 г.

Вонкавыя спасылкі[рэдагаваць | рэдагаваць крыніцу]

Commons-logo.svg  Усама бін Ладэнсховішча мультымэдыйных матэрыялаў