Флярыян Грабніцкі
Флярыян Грабніцкі | |
Герб «Астоя» | |
XII мітрапаліт кіеўскі, галіцкі й усяе Русі | |
---|---|
1745 — 1762 | |
Папярэднік | Атанас Шаптыцкі |
Наступнік | Фэліцыян Піліп Валадковіч |
Асабістыя зьвесткі | |
Нарадзіўся | 1684? |
Памёр | 1762 |
Пахаваны | |
Род | Грабніцкія |
Бацькі | Міхал Казімір Грабніцкі[d] |
Дзейнасьць | каталіцкі сьвятар, каталіцкі біскуп |
Флярыян Грабніцкі (1684?, Полацкае ваяводзтва — 1762) — царкоўны дзяяч Вялікага Княства Літоўскага, Рэчы Паспалітай. Уніяцкі біскуп віцебскі (1716—1719}, арцыбіскуп полацкі (з 1719), мітрапаліт кіеўскі, галіцкі й усяе Русі (з 1748). Доктар тэалёгіі.
Біяграфія[рэдагаваць | рэдагаваць крыніцу]
Прадстаўнік шляхецкага роду Грабніцкіх гербу «Астоя». Прыняў манаства ў ордэне базылянаў Сьв. Язафата.
Скончыў Львоўскі папскі калегіюм (паводле іншых зьвестак, Віленскую акадэмію). Выкладаў філязофію ў Жыровіцкай базылянскай школе, быў ігуменам Віленскага Траецкага манастыра і мітрапаліцкім афіцыялам (з 1713), каад’ютарам арцыбіскупа полацкага.
Спрабаваў праз суд вярнуць маёмасьць полацкіх манастыроў, перададзеную каралём і вялікім князем Стэфанам Баторыем езуітам, аднак з прычыны вялікага ўплыву ордэна ў дзяржаўных органах ня здолеў дасягчы справядлівасьці.
Выступаў супраць пераходу грэка-каталікоў у лацінскі абрад. Дамогся выданьня папскага дэкрэту пра захаваньне ўсходняга абраду, які аднак з прычыны процідзеяньня рымска-каталіцкага духавенства і дзяржаўнай улады Рэчы Паспалітай не выконваўся.
Рэфармаваў базылянскія манастыры, дбаў пра адукацыю кліру, апекваўся грэка-каталіцкімі сьвятынямі[1]. Зь ягонай ініцыятывы ў Полацкай архіяпархіі ўзьвялі шэраг мураваных бажніцаў і манастыроў. Ахвяраваў уласныя сродкі на адбудову Полацкага Сафійскага сабору ў стылі віленскага барока. Пахававалі мітрапаліта ў гэтай сьвятыні[2].
Крыніцы[рэдагаваць | рэдагаваць крыніцу]
- ^ Сяргей Казуля. Грабніцкі Фларыян // ЭГБ. — Мн.: 1996 Т. 3. С. 96.
- ^ Сяргей Казуля. Грабніцкі Фларыян // ВКЛ. Энцыкл. — Мн.: 2005 Т. 1. С. 550.
Літаратура[рэдагаваць | рэдагаваць крыніцу]
- Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 684 с. — ISBN 985-11-0314-4
- Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 1996. — Т. 3: Гімназіі — Кадэнцыя. — 527 с. — ISBN 985-11-0041-2
Вонкавыя спасылкі[рэдагаваць | рэдагаваць крыніцу]
Флярыян Грабніцкі — сховішча мультымэдыйных матэрыялаў