Фольксваген Пасат

Фольксваген Пасат

Вытворца	Фольксваген
Іншыя назвы	Дашэр, Карат, Карсар, Квантум, Магатан, Сантана
Гады вытворчасьці	З 1973-га
Зборка	Цьвікаў ды Эмдэн (Ніжняя Саксонія, Нямеччына), Браціслава (Славаччына), Брусэль (Бэльгія), Барсэлёна (Каталёнія, Гішпанія), Калуга (Расея), Чатануга (Тэнэсі, ЗША), Пуэбля-дэ-Сарагоса (Пуэбля, Мэксыка), Сан-Паўлу (Бразылія), Аўрангабад (Махараштра, Індыя); Кітай — Нанкін (Цьзянсу), Чанчунь (Цзылінь), Шанхай
Папярэднік	Фольксваген Тып 3, Фольксваген Тып 4, Фольксваген К70
Кляса	Cярэднепамерны вялікасямейны
Кузаў	Сэдан, унівэрсал; 4-дзьверны
Плятформа	Фольксваген B
Рухавік	1,4 літры, 1,8 л., 2 л.; наўпроставы ўпрыск
Трансмісія	6- або 7-ступенная, ручная
Прывад	Пярэдні
Колавая база	2712 мм
Даўжыня	4769 мм
Шырыня	1820 мм
Вышыня	1470-1516 мм
Клірэнс	111 мм
Маса	1440-1601 кг
Поўная маса	1990-2210 кг
Грузападымальнасьць	598-684 кг
Максымальная хуткасьць	210 км/г
Падобныя	Пэжо 508, Рэно Лягуна, Форд Мандэо
Фольксваген Пасат у Вікісховішчы

Фольксваген Пасат (па-нямецку: Volkswagen Passat) — сярэднепамерны вялікасямейны аўтамабіль вытворчасьці нямецкага канцэрна Фольксваген. Вытрымаў 6 перааздабленьняў з 1973 году. У Эўропе выпускаецца ў Нямеччыне, Славаччыне, Бэльгіі, Гішпаніі ды Расеі. У Амэрыцы — ў ЗША, Мэксыцы ды Бразыліі. У Азіі — ў Індыі ды Кітаі.

Распрацоўка

Пасьля набыцьця Аўдзі ў 1964 годзе Фольксваген выкарыстаў яго інжынэраў для распрацоўкі пярэднепрываднага самаходу з вадзяным ахалоджваньнем на падставе Аўдзі 80, выпушчанага ў 1972 годзе.

Пакаленьні

Першае

Выраб першага Пасата, выгляд якога распрацаваў італьянскі дызайнэр Джарджэта Джуджара, пачалі ў 1973 годзе з 4 відамі кузава: 2- і 4-дзьверны сэдан, 3- і 5-дзьверны фастбэк. У Эўропе абсталёўваўся 2 прастакутнымі, 2 круглымі 18-сантымэтровымі або 4 круглымі 14-сантымэтровымі фарамі. Прызначася для замены састарэлых Вольксвагенаў Тыпу 3 і 4. У ім выкарыстоўваліся шэрагавыя 4-цыліндровыя 1,3- (40 кіляват або 54 конскія сілы) і 1,5-літровыя (55 кВт/74 к.с. або 63 кВт/84 к.с.) бэнзінавыя рухавікі з надгалоўкавым разьмеркавальным валам і 4-ступеневай ручной або 3-ступеневай аўтаматычнай каробкамі перадачаў. Пярэдняя Падвеска была на накіравальных стойках, задняя — зь цьвёрдым мастом на шрубавых спружынах.