Форт-дэ-Франс

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Форт-дэ-Франс
Fort-de-France
Форт-дэ-Франс
Першыя згадкі: 1672
Плошча: 44,21 км²
Вышыня: 0—1070 м н. у. м.
Насельніцтва (2007)
• колькасьць:
• шчыльнасьць:

91 249
2064
Часавы пас: UTC-4
Паштовы індэкс: 97200
Геаграфічныя каардынаты: 14°36′ пн. ш. 61°05′ з. д. / 14.6° пн. ш. 61.083° з. д. / 14.6; -61.083Каардынаты: 14°36′ пн. ш. 61°05′ з. д. / 14.6° пн. ш. 61.083° з. д. / 14.6; -61.083
Форт-дэ-Франс на мапе Мартынікі
Форт-дэ-Франс
Форт-дэ-Франс
Форт-дэ-Франс
Commons-logo.svg Галерэя здымкаў у Wikimedia Commons

Фо́рт-дэ-Фра́нс (па-француску: Fort-de-France) — сталіца францускага заморскага дэпартамэнту Мартыніка, якая знаходзіцца на заходнім узьбярэжжы выспы над затокай Форт-дэ-Франс. Гэта самы вялікі францускі горад у Цэнтральнай Амэрыцы, насельніцтва налічвае 134,7 тысяч чалавек.

У ХVІІ стагодзьдзі францускія паселішчы на высьпе Мартыніка знаходзіліся на яе заходнім узьбярэжжы. Самае вялікае паселішча Форт-Роял было заснаванае ў 1672 годзе, пазьней назва была зьмененая на Форт-дэ-Франс. Форт, заснаваны пры ўваходзе ў самую вялікую затоку выспы, знаходзіўся ў зручным абаронным становішчы, якое дазваляла яму адбіваць атакі як піратаў, так і галяндзкіх і ангельскіх заваёўнікаў.

Але горад, абкружаны балотамі, часта пакутаваў ад малярыі. У ХІХ стагодзьдзі, у 1839 годзе адбыўся моцны землятрус, а ў 1890 годзе пажар, які амаль поўнасьцю зьнішчыў горад, у 1891 годзе горад пацярпеў ад урагану. Нягледзячы на гэта, Форт-дэ-Франс заставаўся адміністрацыйным і вайсковым цэнтрам Мартынікі. Да вывяржэньня вулькана ў 1902 годзе гандлёвым цэнтрам выспы заставаўся Сэнт-Пэрэ, але, пасьля амаль поўнага яго зьнішчэньня, гандаль перамясьціўся ў Форт-дэ-Франс.

У нашы дні Форт-дэ-Франс — гэта галоўны эканамічны і адміністрацыйны цэнтар выспы, тут знаходзіцца галоўны порт дэпартамэнту. У горадзе сканцэнтравана большая частка прамысловых прадпрыемстваў Мартынікі. Акрамя таго, у горадзе знаходзіцца адна з асноўных вайскова-марскіх базаў Францыі ў Карыбскім моры.

У горадзе атрымаў разьвіцьцё турызм. Асноўнымі турыстычнымі аб’ектамі сталі былыя вайсковыя форты XVIII і XIX стагодзьдзяў: Дэсокс, Тартэнсон і Гербо. Важнай турыстычнай каштоўнасьцю зьяўляецца помнік Жазэфіне, жонцы Напалеона.

Вонкавыя спасылкі[рэдагаваць | рэдагаваць крыніцу]

Commons-logo.svg  Форт-дэ-Франссховішча мультымэдыйных матэрыялаў