Франсіска дэ Кевэда

Франсыска дэ Кевэда
Francisco Gómez de Quevedo y Santibáñez Villegas
Асабістыя зьвесткі
Імя пры нараджэньні	Франсіска дэ Кевэда
Нарадзіўся	14 верасьня 1580, Мадрыд, Гішпанія
Памёр	8 верасьня 1645, Вільянуэва дэ лас Інфантэс, Гішпанія
Літаратурная дзейнасьць
Род дзейнасьці	сатырык, паэт
Напрамак	барока
Жанр	сатыра, круцельскі раман (пікарэска)
Творы на сайце lib.ru(рас.)

Франсі́ска Ґо́мэс дэ Кевэ́да-і-Сантыба́ньнес Вільле́гас (па-гішпанску: Francisco Gómez de Quevedo y Santibáñez Villegas, 14 верасьня 1580, Мадрыд — 8 верасьня 1645, Вільлянуэва-дэ-лос-Інфантэс) — паэт і празаік, буйнешы гішпанскі сатырык XVII.

Пасьля заканчэньня ўнівэрсітэта ў Вальлядалідзе знаходзіўся пры двары, дзе праславіўся дасьціпансьцю, вучонасьцю й з’едлівымі сатырычнымі вершамі. У 1611 пасьля дуэлі вымушаны быў пакінуць радзіму, удзельнічаў у італьянскіх паходах. У Гішпанію ён вярнуўся толькі пасьля сьмерці Філіпа ІІІ, у 1621 годзе, а праз два гады атрымаў ганаровую пасаду каралеўскага сакратара, але ў 1639 г. быў абвінавачаны ў сачыненьні памфлета супраць караля й яго ўлюбёнцаў, быў арыштаваны й правёў у турме чатыры гады. Ён вышаў адтуль хворым і хутка сканаў.

Кэведа трагічна ўспрыняў заняпад краіны, усеагульнае разлажэньне нораваў, панаваўшае ў грамадстве карысталюбства й эгаізм. Яго летрыльі, рамансы, сатырычныя санэты аздобленыя рэзкім пачуцьцём смутку й агіды. Толькі любоўныя санэты з’яўляюцца выключэньнем: ў іх Кэведа не бязлітасны, а поўны прыкрасьці. Аднак і ў яго любоўнай лірыцы вобраз сьмерці й разлажэньня сустракаецца вельмі часта.

Аўтар круцельскага раману «Гісторыя жыцьця прайдзісьвета па імені дон Паблас» (1626), цыклу сацыяльна-палітычных памфлетаў «Сны» (1627), зборніка вершаў «Час адплаты, ці Сьвядомая Фартуна» (1638, выд. 1650).

Вонкавыя спасылкі

 Франсіска дэ Кевэда — сховішча мультымэдыйных матэрыялаў