Фрэдэрыка Шавэс Гедэс

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Фрэд
Фрэд
Пэрсанальная інфармацыя
Нарадзіўся 3 лістапада 1983 (30 гадоў)
Тэафіла-Атоні, Бразылія
Рост 186 см
Пазыцыя нападнік
Клюбная інфармацыя
Клюб Флумінэнсэ
Нумар 9
Клюбы
Гады Клюб Гульні (галы)¹
2002—2004
2004—2005
2005—2009
2009—
Амэрыка Мінэйра
Крузэйра
Ліён
Флумінэнсэ
26 (9)
43 (41)
88 (34)
96 (62)
Зборныя
2005— Бразылія 31 (16)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана па стане на
10 сьнежня 2013.
² Колькасьць гульняў і галоў за нацыянальную зборную
ў афіцыйных матчах, адкарэктавана па стане на
5 сакавіка 2014.

Фрэдэрыка Шавэс Гедэс (па-партугальску: Frederico Chaves Guedes; 3 кастрычніка 1983, Тэафіла-Атоні, Бразылія) — бразыльскі футбаліст, нападнік клюбу «Флумінэнсэ» і нацыянальнай зборнай Бразыліі. Амаль усю кар’еру выступае ў чэмпіянаце Бразыліі, аднак з 2005 па 2009 гады абараняў колеры францускага клюбу «Ліён», зь якім стаў трохразовым чэмпіёнам Францыі.

Кар’ера[рэдагаваць | рэдагаваць крыніцу]

Клюбная[рэдагаваць | рэдагаваць крыніцу]

Фрэд правёў чатыры сэзона ў клюбе «Амэрыка Мінэйра», пасьля чаго перайшоў у іншы больш вядомы клюб Бэлу-Арызонці «Крузэйра» ў сярэдзіне сэзону 2004 году. Пасьля 41 голу ў 43 гульнях за «Крузэйра» ў сэзоне 2005 году Фрэд быў выкуплены францускім чэмпіёнам клюбам «Ліён» за 15 мільёнаў эўра[1].

Забіўшы ў першым сваім сэзоне ў новым клюбе 14 галоў, Фрэд стаў другім бамбардзірам Лігі 1 у сэзоне 2005—2006 гадоў, і выйграў свой ​​першы чэмпіёнскі тытул зь «Ліёнам». Хоць гулец і прапусьціў два месяцы сэзону 2006—2007 гадоў з-за траўмы[2], Фрэд ўсё ж такі забіў 11 галоў у 20 гульнях, і стаў лепшым бамбардзірам клюбу, а «Ліён» зноўку ўзьняўся на вяршыню францускага футболу. Тым ня менш, падчас сэзону 2007—2008 гадоў, Фрэд атрымаў траўму падчас трэніроўкі ў складзе зборнай[3]. Пасьля вяртаньня да футболу ў кастрычніку 2007 году, з-за ўзрослай канкурэнцыі збоку чэскага галеадора Мілана Бараша й выхаванца ліёнскай футбольнай акадэміі Карыма Бэнзэма, Фрэд меў няшмат гульнявой практыкі.

Пасьля сканчэньня дамовы з францускім клюбам Фрэд падпісаў папярэдні кантракт з бразыльскім клюбам «Флумінэнсэ», і, такім чынам, пагадзіўся на пяцігадовы кантракт. У сваім дэбютным матчы 15 сакавіка 2009 году нападнік адзначыўся дублем, а клюб атрымаў перамогу зь лікам 3:1.

Міжнародная[рэдагаваць | рэдагаваць крыніцу]

Фрэд дэбютаваў у складзе зборнай Бразыліі 27 красавіка 2005 году, выйшаўшы на замену ў матчы супраць зборнай Гватэмалы. Фрэд забіў свой першы гол 12 лістапада 2005 году ў таварыскім матчы супраць зборнай Аб’яднаных Арабскіх Эміратаў. Гулец быў уключаны ў склад зборнай на чэмпіянат сьвету 2006 году. Свой адзіны гол на турніры забіў у матчы супраць зборнай Аўстраліі (2:0) 18 чэрвеня 2006 году.

Дасягненьні[рэдагаваць | рэдагаваць крыніцу]

Клюбныя[рэдагаваць | рэдагаваць крыніцу]

Ліён:

Флумінэнсэ:

Міжнародныя[рэдагаваць | рэдагаваць крыніцу]

Бразылія:

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg  Фрэдэрыка Шавэс Гедэссховішча мультымэдыйных матэрыялаў