Фрэнк Бэлнэп Лонг

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Фрэнк Бэлнэп Лонг
англ. Frank Belknap Long
Асабістыя зьвесткі
Нарадзіўся 27 красавіка 1901
Нью-Ёрк
Памёр 3 студзеня 1994
Грамадзянства Злучаныя Штаты Амэрыкі
Літаратурная дзейнасьць
Жанр жахі, фэнтэзі, навуковая фантастыка, паэзія, гатычны раман, коміксы, нон-фікшн

Фрэнк Бэлнэп Лонг (па-ангельску: Frank Belknap Long; 27 красавіка 19013 студзеня 1994) — амэрыканскі пісьменьнік у жанрах жахаў, фэнтэзі, навуковае фантастыкі, паэзіі, гатычнага рамана, коміксаў, і нон-фікшн. Нягледзячы на тое, што яго літаратурная кар'ера налічвае каля сямі дзесяцігодзьдзяў, найбольш вядомы ён сваімі апавяданьнямі жахаў і навукова-фантастычнымі апавяданьнямі. У тым ліку як адзін з аўтараў, які ўдзельнічаў у стварэньні «Мітаў Ктулху». Лонг быў адзначаны такімі ўзнагародамі, як Сусьветная прэмія фэнтэзі (1978), Прэмія Брэма Стокера (1987), і First Fandom Hall of Fame Award (1977).

Біяграфія[рэдагаваць | рэдагаваць крыніцу]

Фрэнк Бэлнэп Лонг нарадзіўся ў Нью-Ёрку і ўзгадаваўся ў Гарлеме (раёне Манхэтэна). Усё жыцьцё пражыў у Нью-Ёрку. У дзяцінстве ён быў зачараваны натуральнай гісторыяй і пісаў, што ён «марыў працаваць удалечыні ад дома і вывучаць дажджавыя лясы басэйна ракі Амазонкі».

Сяброўства з Лаўкрафтам[рэдагаваць | рэдагаваць крыніцу]

Геній містэра Лонга ўнікальны й прыкметны.
—Г. Ф. Лаўкрафт

Говард Філіпс Лаўкрафт быў блізкім сябрам і настаўнікам Фрэнка Лонга. Яны рэгулярна кантактавалі (асабліва падчас пражываньня Лаўкрафта ў Нью-Ёрку з 1924 па 1926) і часта пісалі адзін аднаму. Лонг піша, што ён і Лаўкрафт абмяняліся «болей за тысячу лістоў, некаторыя зь якіх болей чым у восемдзесят рукапісных аркушаў». Частка іх ліставаньня была выданая ў «Arkham House’s Selected Letters series», якая сабрала аб'ёмнае ліставаньне Лаўкрафта зь сябрамі.

Цягам 1930-х гадоў Лонг і Лаўкрафт былі чальцамі клюба КАЛЕМ (названага па ініцыялампрозьвішча арыгінальных чальцоў — K, L і M). Лонг таксама уваходзіў у «круг Лаўкрафта» (разам з Робэртам Блёхам, Аўгустам Дэрлетам, Робэртам Э. Говардам, Генры Катнэрам, Кларкам Эштанам Сьмітам і Дональдам Ўондры), чальцы якога знаходзіліся ў пастаяннам паміжсобным кантакце і ўплывалі на творчасьць адзін аднаго.

Сяброўства Лаўкрафта і Лонга было апісанае ў рамане Пітэра Кэнана «Pulptime: Being a Singular Adventure of Sherlock Holmes, Lovecraft, and the Kalem Club as if Narrated by Frank Belknap Long, Jr.» (1985).

Лонг напісаў шэраг раньніх гісторыяў, якія адносяцца да «Мітаў Ктулху». Да іх належаць «Ганчакі Тындала» (першы аповед «Мітаў Ктулху», напісаны кімсьці, акрамя Лаўкрафта), «Жах з узгоркаў», «Пажыральнікі прасторы» (галоўным героем аповеда выступіў сам Лаўкрафт).

Вонкавыя спасылкі[рэдагаваць | рэдагаваць крыніцу]