Фрэнк Лэмпард

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Фрэнк Лэмпард
Фрэнк Лэмпард
Frank James Lampard
Пэрсанальная інфармацыя
Нарадзіўся 20 чэрвеня 1978
Лёндан, Ангельшчына
Рост 184
Вага 88
Клюбная інфармацыя
Клюб Чэлсі
Нумар 8
Моладзевыя клюбы
1994—1995 Ўэст Гэм Юнайтэд
Клюбы
Гады Клюб Гульні (галы)¹
1995—2001
1995—1996
2001—
Ўэст Гэм Юнайтэд
Сўонсі Сіці (арэнда)
Чэлсі
147 (24)
9 (1)
324 (106)
Нацыянальная зборная
1999— Ангельшчына 83 (20)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана па стане на
21 лістапада 2010.
² Колькасьць гульняў і галоў за нацыянальную зборную
ў афіцыйных матчах, адкарэктавана па стане на
21 лістапада 2010.

Фрэнк Джэймс Лэмпард (па-ангельску: Frank James Lampard, Jr.; нарадзіўся 20 чэрвеня 1978) — ангельскі футбаліст, паўабаронца лёнданскага «Чэлсі» й зборнай Ангельшчыны.

Біяграфія[рэдагаваць | рэдагаваць крыніцу]

Калі за пераход у «Чэлсі» Фрэнка Лэмпарда было заплачана 11 мільёнаў фунтаў стэрлінгаў, шматлікія сьмяяліся. Па меркаваньні адмыслоўцаў, у 2001 годзе Лэмпард такіх грошай не каштаваў. Цяпер ніхто не адважыцца паўтарыць гэтыя словы. Лэмпард стаў лідэрам «Чэлсі», ён лепшы бамбардзір каманды сярод усіх паўабаронцаў у гісторыі, ён уваходзіць у дзясятку бамбардзіраў «Чэлсі» ўсіх часоў і адзін з двух гульцоў, якія правялі за «Чэлсі» больш за 50 матчаў на міжнароднай арэне.

У сэзоне 2006—2007 гадоў ён правёў за «Чэлсі» 62 матчы ва ўсіх спаборніцтвах. Такога выніку не дабіваўся ніводзін палявы футбаліст «сініх». Ніхто ў яго ўзросьце не правёў больш матчаў у Прэм’ер-лізе.

У сьнежні 2005 году ён прапусьціў матч з-за грыпу і паставіў кропку ў сваім рэкордзе: 164 матчы запар у Прэм'ер-лізе.

Яго бацька быў тады трэнэрам каманды «Ўэст Гэм», і шматлікія лічылі, што Лэмпард часта выходзіць на поле толькі дзякуючы свайму бацьку.

Фрэнк заставаўся ў «Ўэст Гэме», калі каманда заняла пятае месца ў сэзоне 1998—1999 гадоў, і быў выкліканы ў зборную Ангельшчыны на наступны сэзон. Калі мэнэджар каманды Гары Рэднап і бацька Фрэнка сышлі з каманды, для Фрэнка надышло час рухацца далей.

Фэнамэнальная гульня Фрэнка ў сэзоне 2003—2004 гадоў саступала толькі гульні Т’еры Анры, Фрэнк стаў другім прэтэндэнтам на тытул лепшага гульца году па вэрсіі сваіх калегаў. Таксама ён выдатна адыграў у складзе зборнай Ангельшчыны на Эўра-2004 і быў названы гульцом году ў зборнай.

Удалы выступ працягнулася і ў сэзоне 2004—2005 гадоў, у якім ён стаў самым забіваючым паўабаронцам Прэм’ер-лігі з 13 мячамі. Усяго ў тым сэзоне Фрэнк адзначыўся 19 разоў. Ён запомніўся ня толькі бліскучым мячом у вароты «Болтану», але і гульнёй на партнэраў. Даўно ў «Чэлсі» не было футбаліста, які бы раздаваў гэтулькі выдатных перадач.

Фрэнк стаў лепшым футбалістам 2005 году па вэрсіі журналістаў. Такую ўзнагароду гульцы «Чэлсі» атрымалі другі раз за апошнія 50 гадоў. Таксама Фрэнк патрапіў у тройку лепшых гульцоў 2005 году па вэрсіях УЭФА й ФІФА.

Лэмпард працягнуў удасканальвацца як футбаліст, выйграўшы з «Чэлсі» тытул чэмпіёна Прэм’ер-лігі ў сэзоне 2005—2006 гадоў. Ізноў ён стаў лепшым бамбардзірам каманды з 20 мячамі. Яго 16 мячоў у чэмпіянаце сталі лепшым дасягненьнем для паўабаронцы за ўвесь час існаваньне Прэм’ер-лігі. Аднак на Чэмпіянаце сьвету 2006 году яго чакала расчараваньне, на ім Фрэнк ня здолеў адзначыцца.

Гэта не зламала Лэмпарда, і ў наступным сэзоне ён працягнуў забіваць, адправіўшы ў сетку супернікаў «Чэлсі» 21 мяч. Толькі Т’еры Анры і Дыд’е Драгба сярод футбалістаў Прэм’ер-лігі змаглі апярэдзіць Лэмпарда.

Віцэ-капітан Фрэнк Лэмпард цяпер незаменны гулец у камандзе, арыентаванай на лепшыя ўзоры сучаснага футболу. 16 лютага 2008 году, у хатнім матчы Кубка Ангельшчыны супраць «Гадэрсьфілду», Лэмпард забіў свае 100 і 101 галы за «Чэлсі».

Прафэсійная кар’ера[рэдагаваць | рэдагаваць крыніцу]

Віцэ-капітан футбольнага клюбу «Чэлсі». Гулец зборнай Ангельшчыны з 1999 году.

Дасягненьні[рэдагаваць | рэдагаваць крыніцу]

  • Чэмпіён Ангельшчыны: 2005, 2006
  • Уладальнік Супэркубка Ангельшчыны: 2005
  • Уладальнік Кубка Лігі Ангельшчыны: 2005, 2007
  • Уладальнік Кубка Інтэртота: 1999
  • Футбаліст году ў Ангельшчыне: 2005
  • Другі ў сьпісе лепшых футбалістаў ФІФА: 2005

Вонкавыя спасылкі[рэдагаваць | рэдагаваць крыніцу]

Commons-logo.svg  Фрэнк Лэмпардсховішча мультымэдыйных матэрыялаў