Фэна

«Фэна»
Phæno
Зьнешні выгляд
Архітэктурны стыль	Дэканструктывізм
Месцазнаходжаньне	Нямеччына, Вольфсбург
Замоўца	Вольфсбург
Сканчэньне будаўніцтва	24 лістапада 2005
Кошт будаўніцтва	79 млн эўра
Архітэктар	Заха Хадыд
Узнагароды і прызы	Прэмія RIBA, прэмія інстытуту інжынэраў-праектоўнікаў
Каардынаты	52°25′44″ пн. ш. 10°47′24″ у. д.
«Фэна» на мапе Нямеччыны «Фэна»
http://www.phaeno.com/

Навуковы цэнтар «Фэна» — інтэрактыўны навуковы цэнтар у нямецкім месьце Вольфсбург, які паўстаў у 2005 року.

У 1998 мескія ўлады распрацоўвалі надзел незанятай зямлі каля чыгуначнага вакзалу на поўдзень ад будаванага на той час Autostadt-у кампаніі Фальксваген. На гэтым месцы плянавалася пабудаваць мастацкі музэй, аднак др. Вольфганг Гутгарт, кіраўнік па справах культуры, спорту і адукацыі, разумеў, што такая інстытуцыя створыць канкурэнцыю пасьпяховаму Кунстмузэю Вольфсбургу. Ён наведаў Тэхнараму, навуковы цэнтар у Швайцарыі, і пераканаўся, што менавіта такая пабудова дапоўніць у Вольфсбургу Аўтаместа і мастацкі музэй.

У лістападзе таго ж року пачалося першапачатковае плянаваньне, а праз рок да распрацоўкі быў падключаны Джо Энсэл, амэрыканскі кансультант і дызайнэр. У конкурсе на лепшы праект, абвешчаны ў студзені 2000, перамог знакаміты архітэктар Заха Хадыд зь інжынэрам-праектоўнікам Адамсам Карам Тэйларам.

Афіцыйнае адкрыцьцё «Фэна» для наведнікаў адбылося 24 лістапада. Ягоны архітэктурны стыль характарызуецца як «гіпнатычная праца архітэктуры — від будынку, які надзвычайна пераварочвае нашае ўяўленьне пра будучыню». У 2006 року дызайн атрымаў эўрапейскую прэмію RIBA(en) і прэмію інстытуту інжынэраў-праектоўнікаў(en).

Першым выканаўчым дырэктарам «Фэна» стаў др. Гутгарт.

Вонкавыя спасылкі

 Фэна — сховішча мультымэдыйных матэрыялаў

• Афіцыйная бачына