Фітна

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Фітна
Fitna
Рэжысэр Скарлет Пімпэрнэл
Сцэнарыст Герт Вільдэрс
Скарлет Пімпэрнэл
Кампазытар Эдвард Грыг
Пётар Чайкоўскі
Мантаж Скарлет Пімпэрнэл
Вытворчасьць Liveleak
Дата выхаду 27 сакавіка 2008
6 красавіка 2008
Час 16:48
Краіна Нідэрлянды
Мова нідэрляндзкая
ангельская
арабская
пэрсыдзкая
Профіль на IMDb
Афіцыйны сайт

Фітна (па-ангельску: Fitna; Нідэрлянды, 2008) — кароткамэтражны фільм нідэрляндзкага палітыка Герта Вільдэрса, накіраваны супраць ісламу, разьмешчаны ў інтэрнэце (на партале LiveLeak) 27 сакавіка 2008 году на галяндзкай і ангельскай мовах. На наступны дзень фільм быў выдалены са ўсіх сэрвэраў LiveLeak з-за пагрозаў супрацоўнікам парталу. 30 сакавіка фільм ізноў зьявіўся на LiveLeak, але быў адразу жа выдалены па просьбе Герта Вільдэрса.

Сюжэт[рэдагаваць | рэдагаваць крыніцу]

Фільм пабудаваны наступным чынам: прыводзіцца фрагмэнт адной з сураў Карана, затым даецца ілюстрацыя таго, як гэтая сура «ўвасабляецца ў жыцьцё» ісламскімі дзяржавамі і арганізацыямі.

Розгалас[рэдагаваць | рэдагаваць крыніцу]

У адказ на масавую незадаволенасьць грамадзян адміністратар нацыянальнага дамэну Network Solutions зачыніў сайт http://www.fitnathemovie.com/, на якім можна было паглядзець і запампаваць фільм «Фітна», абмеркаваць яго.

З крытыкай фільма выступілі генэральны сакратар ААН Пак Гі Мун, прэм’ер-міністар Нідэрляндаў Ян Пэтэр Балкенэндэ, афіцыйныя прадстаўнікі АІК, Славеніі, ААЭ, Пакістану, Інданэзіі, Банглядэшу і Ірану[1].

Францускі прэзыдэнт Нікаля Сарказі афіцыйна заявіў, што Францыя павінна забясьпечыць любую неабходную падтрымку Нідэрляндам у падаўленьні любога гвалту з боку мусульман з-за паказу «Фітны».

У сваім інтэрвію галяндзкай газэце Dutch Volkskrant дацкі карыкатурыст Курт Вэстэргаард, чые карыкатуры на прарока Мухамада ў 2006 годзе прывялі да масавых акцыяў пратэсту мусульман па ўсім сьвеце, заклікаў Герта Вільдэрса паказаць зьняты ім антыісламскі фільм. Аднак пасьля Вэстэргаард памкнуўся падаць у суд на галяндзкага палітыка, абвінаваціўшы яго ў незаконным выкарыстаньні карыкатур пры здымках кароткамэтражкі.

Крытыка з боку мусульманаў[рэдагаваць | рэдагаваць крыніцу]

У лютым 2008 году Пакістан на некалькі дзён абмежаваў доступ да сэрвісу YouTube за разьмяшчэньне трэйлера фільму[2]. Google прыняў пратэсты Пакістану, і матэрыял быў выдалены з сайту.

У красавіку 2008 году ў інтэрнэце было апублікавана 10-ціхвіліннае відэа — «адказ на фільм „Фітна“, зроблены ненавісным крыжаком Вільдэрсам». У фільме хрысьціян і юдэяў аб’яўляюць «тэрарыстамі», адным з галоўных ворагаў ісламу называюць папу рымскага Бэнэдыкта XVI.[3]

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]