Чаві

Чаві
Пэрсанальная інфармацыя
Нарадзіўся	25 студзеня 1980 Тэраса, Гішпанія
Рост	170
Пазыцыя	паўабаронца
Клюбная інфармацыя
Клюб	Барсэлёна
Нумар	6
Моладзевыя клюбы
1991—1997	Барсэлёна
Клюбы
Гады	Клюб	Гульні (галы)¹
1997—2000 1998—	Барсэлёна Б Барсэлёна	61 (4) 414 (48)
Нацыянальная зборная
2000—	Гішпанія	115 (11)
¹ Колькасьць гульняў і галоў за прафэсійны клюб лічыцца толькі для нацыянальнай лігі,  адкарэктавана па стане на 13 траўня 2012. ² Колькасьць гульняў і галоў за нацыянальную зборную ў афіцыйных матчах, адкарэктавана па стане на 1 ліпеня 2012.

Хавіер Эрнандэс Крэўс (па-каталёнску: Xavier Hernández Creus; больш вядомы як Чаві, па-каталёнску: Xavi) — каталёнскі футбаліст, які гуляе на пазыцыі паўабаронцы за футбольны клюб «Барсэлёна». Неаднойчы выклікаўся ў зборную Гішпаніі.

Кар’ера

Хаві пачаў выступаць за юнацкія футбольныя каманды «Барсэлёны» з 11 гадоў. У сэзоне 1997/1998 ён пачаў гуляць за дарослую каманду клюбу. Хаві дэбютаваў у матчы Супэркубка Гішпаніі супраць «Мальёркі» 18 жніўня 1998, ён адразу выйшаў у асноўным складзе і забіў гол. Ён таксама меў вялікую ролю ў перамозе «Барсэлёны» ў Чэмпіянаце Гішпаніі ў сэзоне 1998/1999. Сэзон 1999/2000 быў для Хаві выдатным у пэрсанальным пляне, бо з прычыны траўмы Хасэпа Гуардыёлы, ён быў асноўным выбарам Луі Ван Гаала на пазыцыю апорнага паўабаронцы. У чампіёнскім для Барсэлёны сэзоне 2004/2005 Хаві быў найбольш карыстаемым гульцом у камандзе, правёўшы 36 матчаў. Хаві мае кантракт з «Барсэлёнай» да 2010 году. За зборную Гішпаніі Чаві дэбютаваў 15 лістапада 2000 у матчы супраць зборнай Нідэрляндаў. У 2008 годзе выйграў Чэмпіянат Эўропы па футболе ў складзе зборнай Гішпаніі. Быў прызнаны лепшым гульцом першынства.

Характарыстыка

Хаві зьяўляецца прыкладам плэймэйкера з выдатным бачаньнем поля. Ён таксама адрозьніваецца унівэрсалізмам — можа згуляць на любой пазыцыі ў паўабароне. Таксама зьяўляецца някепскім выканаўцам штрафных удараў.

Узнагароды

Барсэлёна:

• 2009/2010: Супэркубак Эўропы
• 2009/2010: Супэркубак Гішпаніі
• 2008/2009: Ліга Чэмпіёнаў
• 2008/2009: Чэмпіянат Гішпаніі
• 2008/2009: Кубак Гішпаніі
• 2006/2007: Супэркубак Гішпаніі
• 2005/2006: Ліга Чэмпіёнаў
• 2005/2006: Чэмпіянат Гішпаніі
• 2005/2006: Супэркубак Гішпаніі
• 2004/2005: Чэмпіянат Гішпаніі
• 1998/1999: Чэмпіянат Гішпаніі

Зборная Гішпаніі:

• 2012: чэмпіён Эўропы па футболе
• 2010: чэмпіён сьвету па футболе
• 2008: лепшы гулец чэмпіянату Эўропы па футболе
• 2008: чэмпіён Эўропы па футболе
• 2000: срэбраны мэдаль Алімпійскіх гульняў у Сыднэі
• 1999: чэмпіён сьвету ва ўзросьце да 20 гадоў

Вонкавыя спасылкі

 Чаві — сховішча мультымэдыйных матэрыялаў

• Профіль на афіцыйным сайце ФК «Барсэлёна»