Хесус Навас

Хесус Навас
Пэрсанальная інфармацыя
Нарадзіўся	21 лістапада 1985 (27 гадоў) Лёс-Палясыёс-і-Вільяфранка, Гішпанія
Рост	170 см
Вага	60 кг
Пазыцыя	паўабаронца
Клюбная інфармацыя
Клюб	Сэвільля
Нумар	7
Клюбы
Гады	Клюб	Гульні (галы)¹
2003—	Сэвільля	248 (23)
Нацыянальная зборная
2009—	Гішпанія	20 (2)
¹ Колькасьць гульняў і галоў за прафэсійны клюб лічыцца толькі для нацыянальнай лігі,  адкарэктавана па стане на 13 траўня 2012. ² Колькасьць гульняў і галоў за нацыянальную зборную ў афіцыйных матчах, адкарэктавана па стане на 1 ліпеня 2012.

Хесус Навас Гансалес (па-гішпанску: Jesús Navas González; 21 лістапада 1985, Лёс-Палясыёс-і-Вільяфранка, Гішпанія) — гішпанскі футбаліст, паўабаронца клюба «Сэвільля» й нацыянальнай зборнай Гішпаніі. Чэмпіён сьвету па футболе 2010 году й чэмпіён Эўропы 2012 году.

Кар’ера

Мясцовы выхаванец зьявіўся ў аснове «Сэвільлі» ўжо ў 17 гадоў, практычна адначасова са сваім старэйшым братам Маркам. У сэзоне 2004—2005 гадоў Хесус ужо стаў рэгулярным гульцом асновы, правёў 23 матчы й двойчы забіў. Выдатная гульня маладога паўабаронцы стала падставай для заключэньня зь ім у траўні 2005 года новага пяцігадовага пагадненьня. У далейшым ён стаў адным з асноўных гульцоў каманды, паўдзельнічаў у перамозе двух Кубкаў УЭФА. У сэзоне 2007—2008 гадоў Навас згуляў 50 гульняў ва ўсіх турнірах і запісаў на свой рахунак 5 галоў.

Навас пакутуе ад крайняй формы прыхільнасьці да родных месцаў. Часам настальгія паўабаронцы станавілася гэткай моцнай, што ён пакідаў месца збораў, калі яны знаходзіліся занадта далёка ад Сэвільлі. Нягледзячы на тое, што падобны псыхічны стан відавочна можа быць па душы фанатам клюба, Навас імкнецца зь ім змагацца, дзеля чаго нават пагадзіўся ў выніку адправіцца з камандай у турнэ па ЗША.

Міжнародная кар’ера

У нацыянальнай зборнай Гішпаніі Хесус дэбютаваў 14 лістапада 2009 году ў пераможным хатнім матчы ў Мадрыдзе супраць зборнай Аргентыны (2:1).

Дасягненьні

Клюбныя

Сэвільля

• Уладальнік Кубка УЭФА (2): 2006, 2007
• Уладальнік Супэркубка УЭФА: 2006
• Уладальнік Кубка Гішпаніі (2): 2007, 2010
• Уладальнік Супэркубка Гішпаніі: 2007

Міжнародныя

Гішпанія

• Чэмпіён сьвету: 2010
• Чэмпіён Эўропы: 2012

Вонкавыя спасылкі

 Хесус Навас — сховішча мультымэдыйных матэрыялаў

• Прафайл на афіцыйным сайце «Сэвільлі»
• Прафайл на сайце sports.ru
• Прафайл на сайце soccerbase.com