Гіт Лэджэр
| Гіт Лэджэр | |
| Heath Ledger | |
 |
|
| Імя пры нараджэньні | Гіткліф Эндру Лэджэр |
|---|---|
| Дата нараджэньня | 4 красавіка 1979 |
| Месца нараджэньня |  Пэрт, Заходняя Аўстралія, Аўстралія |
| Дата сьмерці | 22 студзеня 2008 |
| Месца сьмерці | Нью-Ёрк, штат Нью-Ёрк, ЗША |
| Грамадзянства | Аўстралія |
| Прафэсія | актор |
| Кар’ера | 1996—2008 |
| IMDb | ID 0005132 |
Гіт Лэ́джэр (па-ангельску: Heath Ledger; 4 красавіка 1979, Пэрт, Заходняя Аўстралія, Аўстралія — 22 студзеня 2008, Нью-Ёрк, штат Нью-Ёрк, ЗША) — вядомы аўстралійскі актор, намінаваны на «Оскара».
Зьмест |
Біяграфія [рэдагаваць]
Гіткліф Эндру Лэджэр нарадзіўся ў горадзе Пэрт (Заходняя Аўстралія). Маці — Сэлі Лэджэр Бэл, настаўніца францускай, ейныя продкі паходзяць з шатляндзкага клана Кэмпбэл; бацька — Кім Лэджэр, аўтагоньнік і горны інжынэр з вядомай у Пэрце сям’і. Гіт і яго сястра Кэтрын былі названыя бацькамі ў гонар герояў рамана Эмілі Бронтэ «Навальнічны перавал». Бацькі разьвяліся, калі Гіту было 10 гадоў, хлопчык застаўся з маці, але працягваў падтрымліваць добрыя адносіны і з бацькам.
Падчас вучобы ў Гілфардзкай граматычнай школе для хлопчыкаў, Гіткліф актыўна займаўся спортам у школьнай хакейнай камандзе, захапляўся танцамі, а акрамя таго гуляў у школьнай тэатральнай студыі. У 15 гадоў ён стаў кіраўніком школьнай акторскай каманды, якая прымала ўдзел у спаборніцтвах і канчаткова зрабіў выбар у карысьць акторскай прафэсіі.
Сьмерць [рэдагаваць]
22 студзеня 2008 года ў 15:31 Гіт Лэджэр быў знойдзены мёртвым у сваёй Нью-Ёркскай кватэры на Мангэтэне.
Выкрыцьцё не змагло ўсталяваць дакладны чыньнік сьмерці, таму спатрэбілася правесьці дадатковую таксыкалягічную экспэртызу, па выніках якой была абвешчаная афіцыйная прычына сьмерці Лэджэра — вострая інтаксыкацыя, выкліканая сумесным дзеяньнем болесуцішальных, снатворных і антыдэпрэсантаў (аксікадона, гідракадона, дыязэпама, тэмазэпама, альпразалама і даксіламіна)[1].
Актор пакутаваў ад дэпрэсіі, выкліканай парывам адносін з Мішэль Ўільямз.
Цела актора было адпраўлена ў Аўстралію. 9 лютага 2008 года ён быў пахаваны на радзіме, у горадзе Пэрт. Разьвітацца з Гітам Лэджэрам прыйшлі каля паўтысячы чалавек, у тым ліку і былая нявеста актора Мішэль Ўільямз, а таксама акторка Кейт Бланшэт.
Крыніцы [рэдагаваць]
Вонкавыя спасылкі [рэдагаваць]
Гіт Лэджэр — сховішча мультымэдыйных матэрыялаў
- Heath Ledger Heathens (анг.)
- Польскі фан-сайт (пол.)
- Расейскі фан-сайт (рас.)
