Цеплавая электрычная станцыя

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Цеплавая электрычная станцыя (на вуглі) ў Лучагорску, Прыморскі край, Расея

Цеплавая электрычная станцыя (цеплавая электрастанцыя, ЦЭС) - электрастанцыя, якая выпрацоўвае электрычную энэргію й цяпло (або толькі электрычную энэргію) ў выніку пераўтварэньня цеплавой энэргіі, якая выдзяляецца пры спальваньні арганічнага паліва.

Існуе некалькі тыпаў цеплавых электрастанцый. Самы распаўсюджаны і традыцыйны - цеплавая паратурбінная электрастанцыя (ЦПЭС), у якой цяпло згараньня арганічнага паліва выкарыстоўваецца для пераўтварэньня вады ў пару высокага ціску, якая ў сваю чаргу вярціць паравую турбіну, вал якой злучаны з валам генератара. ЦПЭС, якая выпрацоўвае для спажыўцоў акрамя электраэнэргіі цяпло пары, называецца цеплаэлектрацэнтралью (ЦЭЦ); якая толькі электраэнергію - кандынсацыйнай электрастанцыяй (КЭС). Але ў апошні час усё большы распаўсюд адтрымоўваюць цеплавыя газатурбінныя электрастанцыі (ЦГЭС), у якіх дымавыя газы (прадукты рэакцыі гарэньня паліва) не перадаюць сваё цяпло пары, а непасрэдна самі прыводзяць у рух газавую турбіну. Сумясьціць перавагі і ліквідаваць недахопы гэтых двух тыпаў ЦЭС спрабуюць у парагазавых электрастанцыях (ПГЭС). Для выпрацоўкі невялікай колькасьці электраэнэргіі выкарыстоўваюць таксама ЦЭС з паршнявымі рухавікамі ўнутраннага згараньня (напрыклад рухавік Дызеля).

Часам тэрмін цеплавыя электрастанцыі ўжываюць да электрастанцый, якія пераўтвараюць у электрычную энергію цяпло, якое атрымоўваецца не толькі праз спальваньне арганічнага паліва (атамныя электрастанцыі (АЭС), геатэрмальныя электрастанцыя).

Спасылкі[рэдагаваць | рэдагаваць крыніцу]