Чарнобыльская АЭС
| Чарнобыльская АЭС імя У. І. Леніна | |
 |
|
| Месцазнаходжаньне |  Украіна |
|---|---|
| Пачатак будаўніцтва | травень 1970 году |
| Пачатак эксплюатацыі | 26 верасьня 1977 году |
| Заканчэньне эксплюатацыі | 15 сьнежня 2000 году |
| Эксплюатуючая арганізацыя | Дзяржаўнае спэцыялізаванае прадпрыемства «Чарнобыльская АЭС» |
| Тэхнічныя парамэтры | |
| Колькасьць энэргаблёкаў | 4 |
| Будуецца энэргаблёкаў | 2 (будаўніцтва спынена ў 1988 годзе) |
| Тып рэактараў | РБМК-1000 |
| Дзейных рэактараў | 0 |
| Генэруючая магутнасьць | 3800 МВт (да 1986 году) |
| Месцазнаходжаньне | |
| Геаграфічныя каардынаты | 51°23′20″ пн. ш. 30°06′38″ у. д. / 51.38889° пн. ш. 30.11056° у. д.Каардынаты: 51°23′20″ пн. ш. 30°06′38″ у. д. / 51.38889° пн. ш. 30.11056° у. д. |
|
Чарнобыльская АЭС імя У. І. Леніна на мапе Ўкраіны
 Чарнобыльская АЭС імя У. І. Леніна
|
|
| http://www.chnpp.gov.ua/ | |
Чарнобыльская атамная электрастанцыя імя У. І. Леніна, ЧАЭС — спыненая атамная электрастанцыя, сумна вядомая ў сувязі з аварыяй, якая адбылася 26 красавіка 1986 году.
Афіцыйная сучасная назва Дзяржаўнае спецыялізаванае прадпрыемства Чарнобыльская атамная электрастанцыя (ГСП Чарнобыльская АЭС)[1]. Станцыя знаходзіцца ў распараджэньні МНС Украіны[2], у 2005 годзе Генэральным дырэктарам прызначаны Грамоткін Ігар Іванавіч.
Зьмест |
Геаграфія[рэдагаваць]
Чарнобыльская АЭС разьмешчаная ва ўсходняй частцы беларуска-ўкраінскага Палесься на поўначы Ўкраіны за 11 км ад мяжы зь Беларусьсю, на беразе ракі Прыпяць, якая ўпадае ў Дняпро. Да захаду ад трохкілямэтровай санітарна-ахоўнай зоны АЭС разьмяшчаецца пакінуты горад Прыпяць, за 15 км на паўднёвы ўсход ад станцыі знаходзіцца былы раённы цэнтар — пакінуты горад Чарнобыль, за 110 км на поўдзень — Кіеў.
Апісаньне станцыі[рэдагаваць]
Першая чарга ЧАЭС (першы і другі энэргаблёкі з рэактарамі РБМК-1000) была пабудаваная ў 1970 - 1977 гадах, другая чарга (трэці і чацьвёрты энергаблёкі з аналягічнымі рэактарамі) была пабудаваная на гэтай жа пляцоўцы да канца 1983 года. У 1981 годзе ў 1,5 км да паўднёвага-ўсходу ад пляцоўкі першай—другой чаргі было пачата будаўніцтва трэцяй чаргі — пятага і шостага энергаблёкаў з такімі жа рэактарамі, спыненае пасьля аварыі на чацьвёртым энергаблёку пры высокай ступені гатовасці аб'ектаў.
Непасрэдна ў даліне ракі Прыпяць да паўднёвага-ўсходу ад пляцоўкі АЭС для забеспячэньня астуджэньня кандэнсатараў турбін і іншых цеплаабменьнікаў першых чатырох энергаблёкаў пабудавана наліўная сажалка-ахаладжальнік памерам 22 км² і ўзроўнем вады на 3,5 м ніжэй адзнакі планоўкі пляцоўкі АЭС. Для забеспячэньня астуджэння цеплаабменнікаў трэцяй чаргі планавалася выкарыстаць сьпецыяльна ўзводзячыяся побач з пятым і шостым блёкамі градзірні.
Праектная генэравальная магутнасць ЧАЭС складала 6000 Мвт, па стане на красавік 1986 года ў эксплуатацыі былі задзейнічаныя чатыры энергаблёка з рэактарамі РБМК-1000 сумарнай гэнэравальнай магутнасьцю 4000 Мвт [3] На момант аварыі Чарнобыльская АЭС, разам з Ленінградскай ды Курскай, была самай магутнай у СССР.
Пасьля 23 гадоў і аднаго дня эксплуатацыі 15 сьнежня 2000 года станцыя спыніла гэнэрацыю электраэнергіі. У цяперашні час вядуцца працы па вывадзе з эксплуатацыі Чарнобыльскай АЭС і пераўтварэньню разбуранага ў выніку аварыі чацьвёртага энергаблёка ў экалагічна бясьпечную сістэму.
Глядзіце таксама[рэдагаваць]
- Віктар Бруханаў — колішні дырэктар Чарнобыльскай АЭС
Крыніцы[рэдагаваць]
- ^ Официальный сайт ГСП «Чернобыльская АЭС»
- ^ Постановление Кабинета министров Украины от 15.07.2005 г. № 588 «Про передачу Державного спеціалізованого підприємства „Чорнобильська АЕС“ до сфери управління Міністерства з питань надзвичайних ситуацій та у справах захисту населення від наслідків Чорнобильської катастрофи та внесення змін до деяких постанов Кабінету Міністрів України»
- ^ Апісанне Чарнобыльскай АЭС з рэактарамі РБМК-1000 Інфармацыя аб аварыі на Чарнобыльскай АЭС і яе наступствах
Вонкавыя спасылкі[рэдагаваць]
Чарнобыльская АЭС — сховішча мультымэдыйных матэрыялаў
 |
Гэта — накід артыкула пра ядзерную ці атамную фізыку. Вы можаце дапамагчы Вікіпэдыі, пашырыўшы яго. |
|
|||||
|
|||||||||||||||||
