Чорная поліўка

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Чорная поліўка

Чо́рная по́ліўка — даўняя густая поліўка са сьвіной, часцей з гусінай або качынай крыві, вядомая многім эўрапейскім народам.

Гусіную ды качыную поліўку варылі з касьцей і вантробаў, сьвежай крыві (каб кроў не згарнулася, у яе дадавалі крыху солі або воцату), загушчалі мукой або цёртай булкай. Для паляпшэньня смаку дадавалі сушаныя сьлівы і яблыкі, спэцыі (перац, цынамон, гвазьдзікі). Падавалі з нарэзанымі птушынымі вантробамі, варанымі лазанкамі, клёцкамі і г. д.

Чорная поліўка служыла сымбалем адмовы дзяўчыны ці яе бацькоў няўдаламу жаніху (як, напрыклад, Яцаку Сапліцу ў паэме Адама Міцкевіча «Пан Тадэвуш»).

Літаратура[рэдагаваць | рэдагаваць крыніцу]

Артыкул створаны з дапамогай матэрыялаў з: Алесь Белы, праект «Наша Ежа»