Чырвоным па Белым
Зьвесткі зь Вікіпэдыі — вольнай энцыкляпэдыі.
 |
|
| Інфармацыя | |
|---|---|
| Гады | 2004 — нашы дні |
| Адкуль |  Беларусь |
| Мова | беларуская |
| Жанр | рэп |
| Выдавец | Ambasada Music Group |
| Зьвязаныя праекты | Император |
| Удзельнікі | |
| Удзельнікі | Krou Realize DJ Spox |
| Былыя ўдзельнікі | Slavko Палкоўнік Zeman Jaycop |
Чырво́ным па Бе́лым (ЧпБ, Čyrvonym pa Biełуm, ČpB) — беларускі рэп-гурт.
Зьмест |
[рэдагаваць] Гісторыя
Гурт убачыў сьвет напрыканцы 2004 году. Тады, заснавальнік Kroŭ і бітмэйкер Slavko запісалі сваю першую кружэлку «Актуальная Тэматыка», якая, нягледзячы на сваю ня вельмі высокую якасьць ў пляне гуку (усе апэрацыі па запісу праводзіліся ў звычайнай кватэры на звычайным кампутары), зьявілася сапраўдным прарывам ў беларускай музыцы, дзякуючы вельмі моцным тэкстам. Запіс распаўсюджваўся толькі праз Інтэрнэт.
Трэба адзначыць, што гурт, з самага пачатку, быў вельмі таямнічы. Хлопцы ўвогуле нічога пра сябе не распавядалі. На здымках нельга было ўбачыць іх твараў. Кроў выступаў толькі й выключна ў масцы, а спаткацца зь імі ў жыцьці мяжавала з цудам. Ніхто ня ведаў хто яны й адкуль. Зразумець такое захаваньне можна паслухаўшы іх творчасьць. Моцныя, вельмі шчырыя палітычна-сацыяльныя тэксты давалі зразумець неабыякавасьць удзельнікаў да сытуацыі ў краіне, але таксама паказвалі іх вялікую любоў да Бацькаўшчыны.
Плёны працы «Чырвоным па Беламу» можна паслухаць на першых двух альбомах: «Актуальная Тэматыка» і «Вулічныя Байцы». Жорсткія, цьвёрдыя, прамалінейныя тэксты нікога не пакінулі абыякавым. Таму зразумелым робіцца папулярнасьць праекту. Па адных статыстыках сайту, дзе былі першыя іх працы, інтэрнэт-альбомы, слухачоў назьбіралася ўжо каля 42.000. Гэта ня ўлічваючы таго, што большасьць зь іх рабіла копіі й раздавала сваім знаёмым.
Так ці інакш, ЧпБ не паасядалі на лаўрах. Адразу ўзяліся за працу над другім альбомам — «Вулічныя Байцы». На гэтай кружэлцы адразу можна заўважыць вялікі крок уперад. Гэта тычыцца амаль усяго. Бачна, што хлопцы навучыліся на сваіх памылках й выкарысталі гэтыя веды. Біты, якія таксама рабіў Slavko, адрозьніваліся цікавым гучаньнем, большай разнастайнасьцю й прадуманым зьместам. Тэксты зрабіліся цікавейшымі, несьлі глыбейшы пераказ, мелі не банальныя рыфмы й адначасова чаплялі за душу. Бачна таксама тэхнічнае паляпшэньне вакалу. Кроў паправіў флоў, чытка зрабілася больш прыемнай для вушэй. Таксама ўзрасла якасьць запісу. Адразу чуць, што пісаліся на студыі, а ня як раней, пры хатнім кампутары.
Дарэчы, трэба таксама дадаць вельмі істотную рэч. На нейкі час перад пачаткам працы над «Вулічнымі Байцамі» да ЧпБ дайшоў яшчэ адзін удзельнік — Палкоўнік. Магчыма, што менавіта ягоны ўдзел у праекце меў уплыў на паляпшэньне якасьці альбому.
Для шматлікіх прыхільнікаў іх творчасьці студыйны трэк «Не Жадаю», які зьміксаваў польскі бітмэйкер Młody Grzech на студыі ў Варшаве, стаў насамрэч гімнам Свабоды.
Перад выхадам чацьвёртага альбома «Крывавы Сакавік» (2007) шэрагі гурту папоўніліся новымі ўдзельнікамі. Далучыліся маладыя выканаўцы зь Беларусі: Realize, Zeman, Jaycop й вядомы DJ з Польшчы: DJ Spox.
Чырвоным па Белым зьяўляецца піянэрам беларускамоўнага рэпу. Да сёньняшняга дня гэта самы вядомы беларускамоўным рэп-гурт і агулам адзін з самых значных хіп-хоп гуртоў Беларусі.
[рэдагаваць] Дыскаграфія
[рэдагаваць] Альбомы
- Актуальная Тэматыка (нелегал) — (LP 2004, нелегал, Менск, AmbasadaMG)
- Вулічныя Байцы (нелегал) — (EP 2005, нелегал, Менск, AmbasadaMG)
- Найлепшае 2004-2005 — (LP 2006, Менск, AmbasadaMG, VoliaMusic)
- Крывавы Сакавік — (LP 2007, Менск, AmbasadaMG)
[рэдагаваць] Супольныя праекты
- Песьні свабоды (2006)
- Чарнобыльскі вецер (2006)
- Песьні свабоды-2 (2006)
- Прэм'ер Тузін 2006 (2006)
- Песьні на вершы Новіка-Пяюна (2007)
- Песьні свабоды-3 (2007)
- Трыб’ют А.Мельнікава (2007)
[рэдагаваць] Удзельнікі
У асноўны склад гурту Чырвоным па Белым уваходзяць 3 асобы. Сярод іх 2 MC й 1 DJ.
Удзельнікі ЧпБ:
MC:
DJ’s:
- DJ Spox (Польшча)
