Чэ Гевара

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Магіла Чэ ў Санта Кляра, Куба

Ґева́ра-Лінч дэ-ля-Сэ́рна, Эрнэ́ста-Рафаэ́ль (Чэ) (па-гішпанску: Ernesto Rafael Guevara Lynch de la Serna (Che); 14 чэрвеня 1928, Расарыё, Арґентына — 9 кастрычніка 1967, Гіґера, Балівія) — вядомы лацінаамэрыканскі рэвалюцыянэр, паплечнік Фідэля Кастра, камандантэ Кубінскай рэвалюцыі.

У 1966—1967 гадах вёў рэвалюцыйную барацьбу ў Балівіі супраць рэакцыйна-дыктатарскага рэжыму Рэнэ Бар’ентаса (па-гішпанску: René Barrientos), якога падтрымлівалі ЗША. Усё больш узмацняліся палітычныя разыходжаньні паміж асобнымі праўрадавымі групоўкамі. У гэтых умовах у жніўні 1967 узнік востры ўрадавы крызіс. Урад Бар’ентаса абараняў інтарэсы буржуазных слаёў, зьвязаных з паўночнаамэрыканскім імпэрыялізмам. Ён абапіраўся на падтрымку камандаваньня арміі. У кастрычніку 1967 году пры актыўнай дапамозе Цэнтральнага разьведвальнага ўпраўленьня (ЦРУ) ЗША урад разграміў атрад Гевары. Сам Чэ, будучы паранены, трапіў у палон і 9 кастрычніка быў расстраляны па загадзе з Вашынгтона.

Чэ ў мастацтве[рэдагаваць | рэдагаваць крыніцу]

Soldadito boliviano/Салдацік балівійскі

Словы: Nicolas Guillen

...Te lo dio el señor Barrientos, soldadito boliviano

regalo de mister Johnson, para matar a tu hermano

para matar a tu hermano, soldadito de bolivia

para matar a tu hermano.

No sabes quien es el muerto soldadito boliviano?

el muerto es el Che Guevara, y era argentino y cubano

y era argentino y cubano, soldadito de bolivia

y era argentino y cubano...

пераклад:

Цябе прадае сеньор Барр’ентас, салдацік балівійскі

Аддае містару Джонсану дзеля забойства твайго брата

Дзеля забойства твайго брата, салдацік балівійскі

Дзеля забойства твайго брата

Не ведаеце, хто мёртвы салдацік балівійскі?

Мёртвы Чэ Гевара, а быў ён аргентынцам і кубінцам

Быў аргентынцам і кубінцам, салдацік балівіі

Быў аргентынцам і кубінцам.

Знакаміты ва ўсім сьвеце манахромны партрэт Чэ Гевары анфас створаны ірляндзкім мастаком Джымам Фіцпатрыкам з фатаграфіі кубінца Альбэрта Корды, зробленай у 1960 годзе. На бярэце Чэ бачная зорачка Хасэ Марці, адметная прыкмета камандантэ, атрыманая ад Фідэля Кастра ў ліпені 1957 году разам з гэтым званьнем.

Вонкавыя спасылкі[рэдагаваць | рэдагаваць крыніцу]

Commons-logo.svg  Чэ Геварасховішча мультымэдыйных матэрыялаў