Шато-Франтэнак

Славутасьць
Шато-Франтэнак Château Frontenac
Краіна	Канада
Месцазнаходжаньне	Квэбэк
Каардынаты	46°48′43″ пн. ш. 71°12′18″ з. д.
Аўтар праекту	Брус Прайс
Статус	гатэль
Шато-Франтэнак на мапе Канады Шато-Франтэнак

Замак Франтэнак (па-француску: Château Frontenac) — разьмешчаны ў горадзе Квэбэк гранд-гатэль у стылі сярэднявечнага францускага замка (шато).

«Замак» быў пабудаваны канадзкай кампаніяй Canadian Pacific Railway і адкрыты ў 1893 годзе. Некалькі разоў гатэль перабудоўваўся, асноўныя перабудовы адбыліся ў 1926 годзе. У 1943 годзе на Квэбэцкай канфэрэнцыі ў гатэлі вялі перамовы Ўінстан Чэрчыль і Франклін Д. Рузвэлт.

Замак Франтэнак названы ў гонар Люі дэ Бюада, графа Франтэнака, які быў губэрнатарам калёніі Новая Францыя з 1672 па 1682 і з 1689 да 1698 гг., і лічыцца бацькам-заснавальнікам Канады.

Разьмяшчаецца гатэль на высокім беразе ракі Сьвятога Лаўрэнція на мысе Дыамант. Пастаяльцы верхніх паверхаў могуць назіраць ня толькі раку, але і шырокую яе даліну на некалькі дзесяткаў кілямэтраў.

Гатэль «Шато Франтэнак» лічыцца самым фатаграфаваным гатэлям у сьвеце, а таксама зьяўляецца адным з сымбаляў ня толькі гораду, але і ўсёй правінцыі Квэбэк.

Вонкавыя спасылкі

 Шато-Франтэнак — сховішча мультымэдыйных матэрыялаў