Шкубанкі

Шкубанкі з сырам

Шкубанкі, або куцмах (па-чэску: škubánky, kucmoch ці kucmouch) — чэская страва з бульбы ў выглядзе шарыкаў, абсмажаных у муцэ.

Рэцэпт прыгатаваньня

Складнікі:

• бульба — 8 шт.
• мука — 3/4 шклянкі
• здор — 4 ст. лыжкі
• мак — 1 ст. лыжка
• цукар — 1 ст. лыжка
• соль

Абабраную бульбу парэзаць вялікімі кавалкамі, заліць кіпнем і варыць да паўгатоўкі. Зьліць ваду, растаўчы бульбу, зрабіць некалькі адтулінаў да дна каструлі, засыпаць у іх муку і ўліць прыкладна палову адлітай вады. Каструлю накрыць крышкай і вытрымаць на невялікім агні 15-20 хвілінаў. Потым ваду зьліць, бульбу старанна перамяшаць, пасаліць. З атрыманай крутой масы выразаць круглай лыжкай шкубанкі (кавалкі сумесі авальнае формы), раскласьці на талерцы і паліць тукам. Перад падачай на стол пасыпаць цукрам і тоўчаным макам. Замест цукру і маку можна пасыпаць страву цёртым сырам ці тварагом.

Глядзіце таксама

• Кнэдлікі

Вонкавыя спасылкі

• Шкубанкі з бульбы (рас.). gotovim.ru. Праверана 22 лютага 2009 г.
• Яшчэ адзін рэцэпт шкубанак (рас.). intergid.ru. Праверана 22 лютага 2009 г.