Шэрая гусь

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

Шэрая гусь (па-лацінску: Anser anser) — вадаплаўная птушка сямейства качыных, адзін з самых вядомых відаў дзікіх гусяў. Адамашнены больш трох тысяч год назад (гл. Гусь свойская).

Постаць[рэдагаваць | рэдагаваць крыніцу]

Шэрая гусь — птушка даўжынёй да 70-90 см і вагой каля 2,1-4,5 кг, размах крылаў 147—180 см. Апярэньне шэра-бурае з хвалістым малюнкам на шыі і чэраве. Мае сьветлае абрамленьне пёраў на сьпіне. Дзюба ружовая або аранжавая. Самец прыкметна буйнейшы за саміцу.

Арэал[рэдагаваць | рэдагаваць крыніцу]

Шэры гусь гняздуе на ціхіх вадаёмах Паўночнай і Цэнтральнай Эўропы, а таксама ва ўмераным поясе Азіі і да Далёкага Усходу. Асноўная частка гнездавых папуляцыі шэрай гусі канцэнтруецца ў дэльце Днястра і Дуная. Зімуе ў Паўднёвай Эўропе і Азіі, часам у Паўночнай Афрыцы.