Эйсэлмер

Возера Эйсэлмер Возера Эйсэлмер Краіна Нідэрлянды Плошча 1100 км² Максымальная глыбіня 9,5 м Сярэдняя глыбіня 5-6 м Вышыня над узроўнем мора 1 м Каардынаты 52°49′ пн. ш. 5°15′ у. д.

Месцазнаходжаньне Эйсэлмеру Эйсэлмер

Э́йсэлмер (па-нідэрляндзку: IJsselmeer)— штучнае прэснае возера ў Нідэрляндах, створанае на месцы былое затокі Зёйдэрзэ. Возера мяжуе з правінцыямі Фрысьлянд на паўночным усходзе, Флевалянд на поўдні й усходзе, Паўночная Галяндыя на захадзе. Эйсэлмер адлучанае ад Паўночнага мора 32 кілямэтровай дамбай Афсьлёйтдэйк (Afsluitdijk) шырынёй каля 60 мэтраў. Вадаём атрымаў сваю назву ад ракі Эйсэл, якая ўпадае ў яго праз невялічкае возера Кетэлмер. Эйсэлмер зьяўляецца найбуйнейшым па плошчы прэснаводным вадаёмам Заходняй Эўропы.

У 1975 годзе Эйсэлмер быў падзелены на дзьве часткі дамбай Маркерварддэйк (Markerwaarddijk), у выніку чаго ўтварылася возера Маркермер.

Пазьней, у 1986 годзе на месцы асушаных полдэрамі тэрыторыях была ўтворана новая нідэрляндзкая правінцыя Флевалянд.

Прызначэньне

Заход сонца па-над возерам ля гораду Лелістад

Сёньня возера служыць важным сховішчам прэснае вады й выкарыстоўваецца для патрэб сельскае гаспадаркі, водазабеспячэньня гарадоў. Магчымасьці возера шырока выкарыстоўваюцца для рэкрэацыі.