Элізабэт Бадэнтэр

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Элізабэт Бадэнтэр
Élisabeth Badinter
Дата нараджэньня 5 сакавіка 1944
Месца нараджэньня Булонь-Білянкур, Францыя
Кірунак фэмінізм, рэспубліканізм
Аказалі ўплыў Сымона дэ Бавуар, Мары жан Антуан Нікаля Кандарсэ
Грамадзянства Сьцяг Францыі Францыя

Элізабэт Бадэнтэр (па-француску: Élisabeth Badinter; 5 сакавіка 1944, Булонь-Білянкур, Францыя) — француская мысьлярка, філёзаф, фэміністка, пісьменьніца, аўтарка шматлікіх гістарычных і філязофскіх эсэ, прысьвечаных жаночаму пытаньню, мацярынству і ідэям францускага рэспубліканізму. Спэцыялістка па эпохе Асьветніцтва. Актыўная публіцыстка-змагарка за ідэі сьвецкага рэспубліканізму. Працягвае ідэі ўнівэрсалісцкага фэмінізму, натхнённага ідэямі Кандарсэ, а ў 20-ым стагодзьдзі ідэямі Сымоны дэ Бавуар. Зьяўляецца найбольш прынцыповай, але не сьляпой і вельмі крытычнай пасьлядоўніцай бавуарызму. У 21-ым стагодзьдзі Э. Бадэнтэр фактычна ўзначальвае францускі гэтак званы ўнівэрсаліцскі рэспубліканскі фэмінізм. Выкладае ў Парыскай Палітэхнічнай школе.

Акрамя гэтага зьяўляецца надзвычай удалай бізнэс-кабетай: узначальвае рэвізійную раду магутнай мэдыягрупы «Publicis», дзе валодае 10,16% акцыяў. Пабратая шлюбам з Рабэрам Бадэнтэрам, вядомым адвакатам, палітыкам і эсэістам.

Бібліяграфія[рэдагаваць | рэдагаваць крыніцу]

Сярод твораў варта прыгадаць наступныя (ніводны дасюль не перакладаўся на беларускую мову):

  • «І ў дадатак каханьне: гісторыя мацярынскага інстынкту ў 17-20 стст.» (L’Amour en plus : histoire de l’amour maternel (XVIIe au XXe siècle), 1980);
  • «Эмілі, Эмілі, аб жаночай амбітнасьці ў 18-ым стагодзьдзі» (Émilie, Émilie, L’ambition féminine au XVIIIe siècle, 1983);
  • «Ён — гэта яна» (L’Un est l’autre, 1986);
  • «Кандарсэ. Інтэлігент у палітыцы» (Condorcet. Un intellectuel en politique, 1988, avec Robert Badinter);
  • «ХY, аб мужчынскай тоеснасьці» (XY, de l’identité masculine, 1992);
  • «Абмылковы шлях» (Fausse route : Réflexions sur 30 années de féminisme, 2003);
  • «Канфлікт: маці і жанчына» (Le conflit, la femme et la mère, 2010).