Эрнан Крэспа

Зьвесткі зь Вікіпэдыі — вольнай энцыкляпэдыі.

Эрнан Крэспа
Агульная інфармацыя
Поўнае імя	Hernan Jorge Crespo
Мянушка	{{{мянушка}}}
Нарадзіўся	5 ліпеня 1975 Буэнас-Айрэс, Аргентына
Грамадзянства	Аргентына
Памёр	{{{дата сьмерці}}}
Рост	184 см
Вага
Інфармацыя аб клюбе
Клюб	Інтэр
Нумар	18
Пазыцыя	нападнік
Пасада	{{{пасада}}}
Кар'ера
Клюбная кар'ера*
1993—1996	Рывэр Плэйт	64 (23)
1996—2000	Парма	116 (62)
2000—2002	Лацыё	54 (39)
2002—2003	Інтэр	18 (7)
2003—	Чэлсі	49 (20)
2004—2005	Мілян (арэнда)	29 (11)
2006—	Інтэр (арэнда)	25 (10)
Нацыянальная зборная**
1995—	Аргентына	66 (35)
* Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана па стане на 12 красавіка 2007. ** Колькасьць гульняў і галоў за нацыянальную зборную ў афіцыйных матчах, адкарэктавана па стане на 2 ліпеня 2007.

Эрнан Крэспа (па-гішпанску: Hernan Jorge Crespo, нарадзіўся 5 ліпеня 1975 года ў горадзе Фларыда, правінцыя Буэнас-Айрэс, Аргентына) — аргентынскі футбаліст, выступоўца за міланскі Інтэр і зборную Аргентыны. Уключаны ў афіцыйны сьпіс 100 лепшых футбалістаў сьвету, складзены ў 2004 годзе ў гонар 100-годзьдзі ФІФА.

[рэдагаваць] Клюбная кар'ера

Крэспа дэбютаваў у клюбе Рывэр Плэйт у сэзоне 1993/1994, забіў у дэбютным сэзоне 13 галоў у 25 матчах і дапамог сваёй камандзе выйграць чэмпіянат Аргентыны («апэртура»-1993). У 1994 годзе ён зноў становіцца чэмпіёнам Аргентыны ў складзе «Рывэр Плэйта». У 1996 годзе Крэспа прыводзіць «Рывэр» да перамогі ў Кубку Лібэртадорэс, зрабіўшы дубль у першым фінальным матчы на сваім полі. На Алімпіядзе-1996 у складзе зборнай Аргентыны Крэспа заваяваў срэбную мэдаль і стаў лепшым бамбардзірам турніру з 6 галамі.

У жніўні 1996 года Крэспа перайшоў у «Парму» і ў першым сэзоне забіў 12 галоў у 27 матчах. У 1999 годзе ў складзе «Пармы» стаў уладальнікам Кубка Італіі і Кубка ЎЭФА, у фінальным матчы гэтага турніру ў Маскве супраць марсэльскага «Алімпіка» (3:0) Крэспа забіў першы гол.

У 2000 годзе Крэспа перайшоў у «Лацыё» за рэкордную суму 35,5 мільёна фунтаў. У першым сэзоне ў «Лацыё» Крэспа стаў лепшым бамбардзірам Сэрыі А з 26 галамі.

У 2002 годзе міланскі «Інтэр» набыў яго за 40 мільёнаў фунтаў на замену Раналда. За адзін сэзон у «Інтэры» Крэспа забіў 7 галоў у 18 матчах у Сэрыі А і 9 галоў у 12 матчах у Лізе Чэмпіёнаў. З-за траўмы яму прыйшлося прапусьціць 4 месяца ў 2003 годзе, і шматлікія лічылі, што ён ужо ня выйдзе на свой ранейшы ўзровень.

У жніўні 2003 года Крэспа перайшоў за 16,8 мільёнаў фунтаў у лёнданскі «Чэлсі», але не прыйшоўся да двара ў клюбе, згуляўшы ва ўсіх турнірах 31 матч і забіўшы 12 галоў. Пасьля таго, як улетку 2004 года Чэлсі ўзначаліў Жазэ Маўрынью, Крэспа быў аддадзены ў арэнду ў «Мілян». У «Міляне» яму атрымалася вярнуць сваю ранейшую форму, ён забіў за сэзон 10 галоў, але два яго гала ў фінале Лігі Чэмпіёнаў 2004/2005 не дапамаглі «Мілану» атрымаць перамогу над «Лівэрпулем».

Пасьля пасьпяховага сэзону Крэспа ў «Міляне» і няўдач «Чэлсі» у пошуку форварда з гучным імем, Крэспа быў вернуты ў лёнданскі клюб. Гэтым разам ён адразу адаптаваўся да Ангельшчыны, забіўшы гол у матчы першага тура, і ў наступным забіў некалькі важных галоў у матчах Чэмпіянату Прэм'ер-лігі і Лігі Чэмпіёнаў. Усяго ён забіў 14 галоў у сэзоне 2005/2006.

У жніўні 2006 года ён зноў быў аддадзены ў арэнду, гэтым разам у міланскі «Інтэр». У сьнежні 2006 года Крэспа забіў свой 125-ы гол у Сэрыі А.

[рэдагаваць] Кар'ера ў зборнай

Эрнан Крэспа дэбютаваў у нацыянальнай камандзе ў лютым 1995 года ў матчы супраць Баўгарыі. Аднак наступнага выкліку ў зборную яму прыйшлося чакаць 16 месяцаў, і толькі праз два года ён забіў свой першы гол за зборную.

Крэспа выступаў за зборную ў фінальных турнірах Чэмпіянатаў Сьвету 1998, 2002 (забіў 1 гол) і 2006 (забіў 3 гала).

За сваю кар'еру Крэспа згуляў 60 матчаў за зборную і забіў 32 гала. Ён зьяўляецца лепшым бамбардзірам зборнай Аргентыны ў адборачных турнірах Чэмпіянату Сьвету.

Выступаў на Кубку Амэрыкі 2007. У матчы супраць зборнай ЗША (2-матч групавога турніру) ён атрымаў траўму, з-за якой ён прапусьціў наступныя матчы турніру.

[рэдагаваць] Дасягненьні

• Уваходзіць у сьпіс ФІФА 100

п • а • р Інтэрнацыянале — цяперашні склад
1 Тольда • 2 Кордоба • 4 Санэці • 5 Станкавіч • 6 Максвэл • 7 Фігу • 8 Ібрагімавіч • 9 Крус • 11 Хімэнэс • 12 Жуліё Сэзар • 13 Майкан • 14 Віейра • 15 Дакур • 16 Бурдысо • 18 Крэспа • 19 Камбьясо • 21 Солары • 22 Орландыні • 23 Матэрацы • 24 Рывас • 25 Самуэль • 26 Ківу • 28 Манішэ • 29 Суаса • 30 Пэле • 31 Сэзар • 71 Альфонса • Трэнэр: Манчыні

п • а • р Зборная Аргентыны — Чэмпіянат сьвету 2006
	1 Абонданcьеры • 2 Айяла • 3 Сорын • 4 Колачыні • 5 Камбьясо • 6 Хайнцэ • 7 Савіёла • 8 Маскерана • 9 Крэспа • 10 Рыкельмэ • 11 Тэвэс • 12 Франка • 13 Скалоні • 14 Паласіё • 15 Міліта • 16 Аймар • 17 Куфрэ  • 19 Мэсьсі • 20 Круc • 21 Бурдысо • 22 Гансалес • 23 Устары • Трэнэр Пэкэрман