Эрыс (міталёгія)

Зьвесткі зь Вікіпэдыі — вольнай энцыкляпэдыі.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Эрыс.

Эры́с (грэц. Έρις — «дужаньне, сутычка, сварка, разлад») — у грэцкай міталёгіі пэрсаніфікацыя разладу.

Эрыс — сярод першасных касмаганічных сіл: яна дачка Нікс, унучка Хаосу (Гесіёд, «Тэаганія»). Хоць Эрыс спарадзіла голад, скрухі, бітвы, забойствы, спрэчкі, цяжбы, беззаконьне, яна жа спарадзіла працу. Адгэтуль у Гесіёда дзьве Эрыс: адна выклікае войны і варожасьць і нялюбая людзьмі, іншая — карысная людзям, прымушаючы іх змагацца ў працы.

Эрыс стала прычынай суперніцтва Афрадыты, Афіны й Геры (што прывяло да Траянскай вайны), кінуўшы на вясельлі Пэлея й Фэтыды яблык з надпісам «Найпрыгажэйшай» (яблык разладу).

У гонар Эрыс названая адна з карлікавых плянэт (глядзіце Эрыс (карлікавая плянэта)).

[рэдагаваць] Глядзіце таксама

• Дысномія (міталёгія) — дачка Эрыс, дух беззаконьня.
• Лета — дачка Эрыс, маці харыт.