Эспанёл Барсэлёна

Эспанёл Барсэлёна
Поўная назва	Real Club Deportivo Español de Barcelona
Заснаваны	28 кастрычніка 1900
Горад	Барсэлёна, Гішпанія
Стадыён	Эстадзі Карнэльлі Эль Прат Умяшчальнасьць: 40 500
Прэзыдэнт	Рамон Кандаль
Галоўны трэнэр	Маўрыцыё Пачэтына
Чэмпіянат	Ля Ліга
· 2011—2012	14 месца
Хатнія колеры Выязныя колеры

Эспанёл (па-каталёнску: Reial Club Deportiu Espanyol de Barcelona, па-гішпанску: Real Club Deportivo Español de Barcelona) — гішпанскі футбольны клюб, што ўваходзіць у спартовую сыстэму «Эспанёл», дзе акрамя яго ёсьць яшчэ й жаночы футбольны клюб, мужчынскі й жаночы баскетбольныя клюбы, хакейны клюб, клюб жаночага валейболу й бэйсбольны клюб. Месьціцца ў горадзе Барсэлёна. Хатнія гульні праводзіць на стадыёне «Эстадзі Карнэльлі Эль Прат», што можа зьмясьціць 40 500 гледачоў. Стадыён быў уведзены ў эксплюатацыю 2 жніўня 2009 году пераможным матчам над «Лівэрпулам». «Эспанёл» зьяўляецца шостым футбольным клюбам Гішпаніі па агульнай колькасьці балаў у чэмпіянатах краіны, але клюб заўсёды знаходзіцца ў ценю галоўнай каманды гораду «Барсэлёне», саступаючы ў дасягненьні й папулярнасьці.

Клюб быў заснаваны 28 кастрычніка 1901 году гішпанскім інжэнэрам з Барсэлёнскага ўнівэрсытэту Анхелем Радрыгесам. Спачатку каманда звалася як «Зьвяз гішпанскіх футбалістаў» (гішп. Sociedad Española de Footbal), але на наступны год каманда пачала звацца «Гішпанскі футбольны клюб» (гішп. Club Español de Fútbol), бо то была першая каманда сфармаваная выключна гішпанскімі аматарамі.

«Эспанёл» гуляў спачатку ў жоўтых кашулях, але колер шортаў у кожнага футбаліста быў розным. Празь нейкі час сябар клюбу адчыніў тэкстыльную фабыку й пачаў забясьпечваць каманду жоўтай тканінай. У 1910 годзе каманда зноўку зьмяніла імя на «Спартовы клюб Гішпаніі» (гішп. Club Deportivo Español) і пераапранулася ў вопратку бела-сіняга колеру.

Дасягненьні

• Уладальнікі Кубка Гішпаніі (4): 1929, 1940, 2000, 2006
• Фіналіст Кубка УЭФА (2): 1988, 2007

Розная інфармацыя

• З 1994 году існуе «Эспанёл Б»
• Эспанёл мае тры фарм-клюбы: «Паніёніяс» (Грэцыя), «Сўонсі Сіці» (Ангельшчына) і «Гальмстад» (Швэцыя)
• Нумар 21 назаўсёды прыналежыць загінуўшаму капітану клюба Даніелю Харке

Склад каманды

Па стане на 30 студзеня 2013 году

№ Пазыцыя Імя Год нараджэньня 1 Бр Крыстыян Альварэс (капітан) 1985 2 Аб Фэліпэ Матыёні 1988 3 Аб Рауль Радрыгес 1987 4 ПА Віктор Санчэс 1987 5 Нап Сэрхіё Тэхера 1990 6 Аб Хуан Фарлін 1988 7 ПА Рауль Баэна 1989 8 Нап Крыстыян Стуані 1986 9 Нап Сэрхіё Гарсія 1983 10 ПА Жаан Вэрду (віцэ-капітан) 1983 12 Нап Самуэле Лёнга (ар. «Інтэр») 1992

№ Пазыцыя Імя Год нараджэньня 13 Бр Кіка Касыльлё 1986 15 Аб Эктар Марэна 1988 16 Аб Хаві Лёпэс 1986 17 ПА Марцін Петраў 1979 18 Аб Жаан Капдэвіля 1978 19 Аб Дыега Калёта 1981 20 ПА Сыман Самброза 1979 22 ПА Вакаса Мубарак 1990 23 ПА Крыстыян Гомэс 1989 24 ПА Крыстыян Альфонса 1989 27 Аб Віктор Альварэс 1993

Вонкавыя спасылкі

 Эспанёл Барсэлёна — сховішча мультымэдыйных матэрыялаў

• Афіцыйны сайт^{(гішп.)(анг.)}