Эўрапейская эканамічная супольнасьць

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

Эўрапейская эканамічная супольнасьць (ЕЭС) — міжнародная арганізацыя, створаная паводле Рымскага дагавору, якая існавала з 1957 па 1993 год, створаная для ажыцьцяўлення эканамічнай інтэграцыі (уключаючы агульны рынак) Бэльгіі, Нямеччыны, Галяндыі, Італіі, Люксэмбургу і Францыі.

З часам супольнасьць ўключыла ў сябе яшчэ шэсьць краінаў, і з 1967 году яе органы таксама рэгулявалі Эўрапейскае аб’яднаньне вугалю і сталі (ЕАВС) і Эўрапейскую супольнасьць па атамнай энэргіі (Эўратам) пад агульнай назвай Эўрапейскія супольнасьці. Пасьля стварэньня Эўрапейскага зьвязу ў 1993 годзе ЕЭС была пераназваная ў Эўрапейскую супольнасьць, стаўшы асноўнай супольнасьцю адной з трох апораў Эўразьвязу, а інстытуты супольнасьці сталі інстытутамі Зьвязу.