Юзэф Вінцэнт Плятэр
 Герб «Плятэр» | |
| Асабістыя зьвесткі | |
|---|---|
| Нарадзіўся | 11 ліпеня 1745 |
| Памёр | паміж 1 і 6 студзеня 1806 |
| Род | Плятэры |
| Бацькі | Канстантын Людвік Плятэр Аўгуста з Агінскіх |
| Жонка | Кацярына з Сасноўскіх |
| Дзеці | Цэцылія, Фэрдынанд, Адам Эдвард, Станіслаў, Генрыка Соф’я, Адэляіда |
Юзэф Вінцэнт Плятэр (11 ліпеня 1745, места Краслаўка Інфлянцкага ваяводзтва — паміж 1 і 6 студзеня 1806) — дзяржаўны дзяяч Вялікага Княства Літоўскага. Генэрал-лейтэнант (1775—1791), пісар польны літоўскі (1771—1783), кашталян троцкі (з 1793).
Трымаў Берасьцейскае староства (1770—1777).
Біяграфія[рэдагаваць | рэдагаваць крыніцу]
Прадстаўнік шляхецкага роду Плятэраў гербу ўласнага, сын Канстантына Людвіка, кашталяна троцкага, і Аўгусты з Агінскіх. Меў брата Казімера Канстантына.
Абіраўся маршалкам Галоўнага Трыбуналу у 1774, сябра Пастаяннай Рады ў 1793—1794. У 1775 заснаваў у Талачыне родавую камандорыю Мальтыйскага ордэна[1].
Ажаніўся з Кацярынай, дачкой ваяводы полацкага Юзэфа Сасноўскага. У шлюбе нарадзіліся дзеці Цэцылія, Фэрдынанд, Адам Эдвард, Станіслаў, Генрыка Соф’я і Адэляіда.
Крыніцы[рэдагаваць | рэдагаваць крыніцу]
- ^ Вяроўкін-Шэлюта У. Плятэры // ВКЛ. Энцыкл. — Мн.: 2005 Т. 2. С. 443.
Літаратура[рэдагаваць | рэдагаваць крыніцу]
- Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0