Ян Радзівіл (сын Мікалая)

Ян Радзівіл
Ян Радзівіл. В. Герсан, XIX ст.
Герб «Трубы»
Асабістыя зьвесткі
Нарадзіўся:	1492 Гонядзь
Памёр:	1542 Хоўхла
Род:	Радзівілы
Бацькі:	Мікалай Радзівіл Альжбета з Саковічаў
Жонка:	Ганна з Касьцевічаў
Дзеці:	Ганна, Пэтранэля, Альжбета

Ян Радзівіл (1492, Гонядзь — 1542, Хоўхла) — дзяржаўны дзяяч Вялікага Княства Літоўскага. Падчашы вялікі літоўскі (з 1517), староста генэральны жамойцкі (з 1535).

Валодаў маёнткамі на тэрыторыі сучаснай Летувы і на Падляшшы. Трымаў Васіліскае (1523) і Бельскае (1522) староствы, а таксама Маркаўскую дзяржаву (1520—1534). Князь Сьвятой Рымскай імпэрыі на Гонядзі і Мядзелі.

Біяграфія

З гонядзка-мядзельскай лініі княскага роду Радзівілаў гербу «Трубы», сын Мікалая, канцлера вялікага літоўскага, і Альжбеты з Саковічаў. Меў брата Мікалая. Апошні мужчына-прадстаўнік гэтай галіны роду.

У 1516—1521 ваяваў супраць Тэўтонскага ордэна. Уваходзіў у склад камісіяў датычна разьмежаваньня Вялікага Княства Літоўскага з Мазовіяй (1529), Прусіяй (1532) і Інфлянтамі (1540—1541).

У 1530—1540-х трыюмвірат у складзе Ян Радзівіла, ягонага дзядзькі Юрыя Радзівіла і Альбрэхта Гаштольда фактычна кіраваў Вялікім Княства Літоўскім у час адсутнасьці ў дзяржаве Жыгімонта Старога.

Браў удзел у вайне з Маскоўскай дзяржавы (1534—1537).

У шлюбе з Ганнай Касьцевіч меў 3 дачок.

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. Т. 2: Кадэцкі корпус — Яцкевіч. — Мінск: Беларуская Энцыклапедыя, 2005. — 788 с.: іл. ISBN 985-11-0378-0.
• Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Беларус. Энцыкл.; Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн.: БелЭн, 2001. — 591 с.: іл. ISBN 985-11-0214-8.

Вонкавыя спасылкі

 Ян Радзівіл (сын Мікалая) — сховішча мультымэдыйных матэрыялаў