Яфрэм Сакалоў

Яфрэм Яўсеевіч Сакалоў
15-ы Першы сакратар Камуністычнай Партыі БССР
6 лютага 1987 — 1990
Папярэднік:	Мікалай Сьлюнькоў
Наступнік:	Анатоль Малафееў
Першы сакратар Берасьцейскага абласнога камітэта КПБ
1977 — 6 лютага 1987
Папярэднік:	Уладзімер Мікуліч
Наступнік:	Анатоль Зеляноўскі
Асабістыя зьвесткі:
Нарадзіўся:	25 красавіка 1926 (85 гадоў) Равячына, Горацкі раён Магілёўская вобласьць
Нацыянальнасьць:	беларус
Адукацыя:	аграном
Рэлігія:	атэіст
Узнагароды:

Яфрэ́м Яўсе́евіч Сакало́ў (нарадзіўся 25 красавіка 1926 года ў в. Равячына, Горацкага раёна Магілёўскай вобласьці) — савецкі партыйны дзеяч, быў Першым сакратаром ЦК КПБ з 1987 да 1990 года.

Нарадзіўся ў сялянскай сям’і. У 1944—1950 г.г. служыў у Савецкім Войску. З 1955 года Сакалоў сябра камуністычнай партыі Савецкага Саюзу. У 1956 годзе скончыў Беларускую сельскагаспадарчую акадэмію, а ў 1961 годзе Вышэйшую Партыйную школу пры ЦК КПСС. У 1965 годзе стаў кіраўніком Берасьцейскага абкама прафсаюзу працоўных і служачых сельскай гаспадаркі і нарыхтовак, а потым, у 1967 годзе быў прызначаны першым сакратаром Іванаўскага райкаму партыі Берасьцейскай вобласьці. З 1969 года Яфрэм Сакалоў працаваў у цэнтральным апараце КПБ, быў намесьцінам, а з 1975 года ўзначаліў сельскагаспадарчы адзьдзел КПБ . У Сакалоў 1977 года стаў першым сакратаром Берасьцейскага абкаму КПБ.

	Для жыхароў Берасьцейскай вобласьці Сакалоў – амаль ідэал кіраўніка. Ніхто ніколі ня чуў, каб ён узвысіў голас на падначаленага. Ніхто ня бачыў яго нецьвярозым. Ніхто ня мог падазраваць яго ў хабарніцтве. Усе гады сваёй працы ў Берасьці Яфрэм Яўсеевіч займаўся адным: ён будаваў. Ён будаваў дамы, дарогі і гіганцкія жывёлагадоўчыя комплексы. Ёсьць комплекс на 50 тыс. галоў – добра, а будзе на 100 тыс. Увесь СССР павінен есьці берасьцейскую сьвініну. І самім берасьцейцам павінна хапіць. А калі ёсьць гіганцкія сельскагаспадарчыя прадпрыемствы, да іх павінны весьці добрыя дарогі. І людзі павінны жыць у нармальных, зручных дамах. І той факт, што суровага Яфрэма Яўсеевіча ўзнагародзілі Зоркай Героя Працы – адзінага партфункцыянера пры Гарбачове! – а потым выбралі першым сакратаром ЦК КПБ, у вобласьці ўспрынялі як належнае.
—Аляксандар Фядута

У 1981—1986 г.г. Сакалоў быў кандыдатам ў Палітбюро ЦК КПСС, а з 1986 года стаў членам Палітбюро ЦК КПСС. У гэтым жа годзе ён быў узнагароджаны Зоркай Героя Працы. З 1987 да 1990 г.г. быў Першым сакратаром ЦК КПБ. Быў дэпутатам Вярхоўнага Савету БССР 12-га скліканьня. З 1990 года на пэнсіі.

У наш час Сакалоў узначальвае Савет Кампартыі Беларусі, зьяўляецца членам рэспубліканскага Савета вэтэранаў вайны і працы, Узброеных Сілаў і праваахоўных органаў.

Папярэднік Мікалай Сьлюнькоў

Першы сакратар ЦК КП(б)Б 1987 — 1990

Наступнік Анатоль Малафееў