Яўген Канаплянка

Яўген Канаплянка
Пэрсанальная інфармацыя
Нарадзіўся	29 верасьня 1989 (23 гады) Кіраваград, УССР
Рост	176 см
Вага	69 кг
Пазыцыя	паўабаронца
Клюбная інфармацыя
Клюб	Дняпро
Нумар	10
Клюбы
Гады	Клюб	Гульні (галы)¹
2007—	Дняпро	89 (18)
Нацыянальная зборная
2010—	Украіна	20 (5)
¹ Колькасьць гульняў і галоў за прафэсійны клюб лічыцца толькі для нацыянальнай лігі,  адкарэктавана па стане на 23 траўня 2012. ² Колькасьць гульняў і галоў за нацыянальную зборную ў афіцыйных матчах, адкарэктавана па стане на 11 чэрвеня 2012.

Яўген Канаплянка (па-ўкраінску: Євген Коноплянка; 29 верасьня 1989, Кіраваград, УССР) — украінскі футбаліст, паўабаронца клюба «Дняпро» й нацыянальнай зборнай Украіны.

Кар’ера

Клюбная

У сем гадоў запісаўся ў сэкцыю па каратэ. Потым займаўся футболам у родным горадзе ў клюбе «Алімпік». У днепрапятроўскім «Дняпры» апытуўся у 16 гадоў. Узімку 2006 года быў пераведзены ў дубль «Дняпра». У Вышэйшай лізе Ўкраіны дэбютаваў 26 жніўня 2007 году ў хатнім матчы супраць вужгарадзкага «Закарпацьця» (0:0), Канаплянка выйшаў на 83 хвіліне замест Джабы Канкавы.

Першы гол у чэмпіянаце Ўкраіны забіў 28 лютага 2010 года ў хатнім матчы супраць луганскай «Зары» (2:2), на 34 хвіліне ў браму Багдана Шуста. У другой палове сэзону 2009—2010 гадоў Яўген паказваў добрую гульню, ва ўсіх гульнях ён адыграў поўныя матчы.

Міжнародная

У красавіку 2010 года Мірон Маркевіч ўпершыню выклікаў Яўгена ў склад нацыянальнай зборнай Украіны на матчы ў канцы траўня й пачатку чэрвеня 2010 года супраць зборных Літвы, Румыніі й Нарвэгіі. Канаплянка згуляў ва ўсіх трох гульнях і забіў свой ​​першы гол у зборнай.

Вонкавыя спасылкі

 Яўген Канаплянка — сховішча мультымэдыйных матэрыялаў

• Прафайл на афіцыйным сайце «Дняпра»
• Статыстыка на сайце National Football Teams