Яўген Яблонскі

Зьвесткі зь Вікіпэдыі — вольнай энцыкляпэдыі
Яўген Яблонскі
Пэрсанальная інфармацыя
Нарадзіўся 10 траўня 1995(1995-05-10)[1][2][3] (28 гадоў)
Рост 182 см
Вага 82 кг[4]
Пазыцыя паўабаронца
Клюбная інфармацыя
Клюб Астэрас Трыпаліс
Нумар 5
Клюбы
Гады Клюб Гульні (галы)¹
2014—2021 БАТЭ 181 (10)
2022—2023 Арыс Лімасол 40 (0)
2024—4 Астэрас Трыпаліс 9 (2)
Зборныя
2013 Беларусь (да 19)[d] 3 (0)
2014—2016 Беларусь (да 21) 28 (3)
2019—4 Беларусь 34 (3)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
3 сакавіка 2024.
² Колькасьць гульняў і галоў за нацыянальную зборную
ў афіцыйных матчах, адкарэктавана на
26 сакавіка 2024.

Яўген Яблонскі (нарадзіўся 10 траўня 1995 году) — беларускі футбаліст, паўабаронца грэцкага клюбу «Астэрас» і нацыянальнай зборнай Беларусі.

Кар’ера[рэдагаваць | рэдагаваць крыніцу]

Клюбная[рэдагаваць | рэдагаваць крыніцу]

Пачаў займацца футболам у ігуменскай ДЮСШ. Пазьней перабраўся ў менскую школу «Зьмена», адтуль — у Барысаўскую дзяржаўную абласную вучэльню алімпійскай рэзэрвы. З лета 2012 году пачаў выступаць за дубль барысаўскага БАТЭ. У сэзоне 2013 году стаў адным з асноўных гульцоў дублю. 29 чэрвеня 2014 году дэбютаваў у асноўнай камандзе БАТЭ, выйшаўшы ў стартавым складзе ў матчы супраць «Белшынай». У першым жа матчы ў аснове адзначыўся галявой перадачай. У кастрычніку 2014 году ўжо трывала замацаваўся ў цэнтры паўабароны барысаўскага клюбу. 27 кастрычніка 2014 году пацэліў свой першы гол у чэмпіянаце Беларусі ў браму жодзінскага Тарпэда-БелАЗ».

У лютым 2015 году падоўжыў кантракт з барысаўчанамі[5]. У 2015—2016 гадах трывала гуляў у асноўнай камандзе, а ў сэзоне 2016 годзе часам выкарыстоўваўся на пазыцыі цэнтральнага абаронцы. У сэзоне 2017 году спачатку гуляў у стартавым складзе барысаўчан у якасьці цэнтральнага абаронцы, пазьней страціў месца ў аснове. У сэзоне 2018 году вярнуў месца ў стартавым складзе. У сьнежні 2018 году склаў новы кантракт з БАТЭ[6]. Наступным сэзоне замацаваўся ў якасьці аднаго з асноўных гульцоў каманды. У верасьні 2019 году зноўку падоўжыў пагадненьне з клюбам[7]. У 2020—2021 гадах заставаўся трывалым гульцом стартавага складу, дапамагаў барысаўчанам здабыць срэбраныя мэдалі чэмпіянату і два Кубкі Беларусі, у сэзоне 2021 году быў прызнаны найлепшым паўабаронцам чэмпіянату Беларусі.

У студзені 2022 году па заканчэньні кантракту пакінуў барысаўскі клюб[8] і ў хуткім часе падпісаў пагадненьне на 2,5 гады з кіпрскім «Арысам»[9].

Міжнародная[рэдагаваць | рэдагаваць крыніцу]

25 студзеня 2014 году дэбютаваў у моладзевай зборнай Беларусі ў матчы супраць зборнай Казахстану на Кубку Садружнасьці ў Санкт-Пецярбурзе. Пазьней замацаваўся ў якасьці асноўнага апорнага паўабаронцы зборнай, правёўшы за яе 28 матчаў і забіўшы 3 голы. 6 верасьня 2019 году дэбютаваў у нацыянальнай зборнай Беларусі, адгуляўшы ўсе 90 хвілін у адборачным матчы чэмпіянату Эўропы супраць зборнай Эстоніі.

Палітычныя погляды[рэдагаваць | рэдагаваць крыніцу]

Падпісаў адкрыты ліст спартовых дзеячаў краіны, якія выступаюць за дзейную ўладу Беларусі пасьля здушэньня народных пратэстаў у 2020 годзе[10].

Дасягненьні[рэдагаваць | рэдагаваць крыніцу]

БАТЭ:

«Арыс»:

Статыстыка[рэдагаваць | рэдагаваць крыніцу]

Клюб Сэзон Чэмпіянат
Дывізіён Матчы Галы
БАТЭ 2015 Найвышэйшая ліга 20 0
2016 Найвышэйшая ліга 20 1
2017 Найвышэйшая ліга 25 0
2018 Найвышэйшая ліга 25 1
2019 Найвышэйшая ліга 25 2
2020 Найвышэйшая ліга 27 1
2021 Найвышэйшая ліга 28 4

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]