.22 Long Rifle

Зьвесткі зь Вікіпэдыі — вольнай энцыкляпэдыі
.22 Long Rifle

Патроны .22 LR зьлева направа: Subsonic (дагукавы), Standard-velocity (гукавы), Hyper-velocity (звышгукавы)
Тып патрона: унітарны набой кальцавога ўзгараньня
Гісторыя вытворчасьці:
Час стварэньня: 1887 год
Вытворца: Сьцяг ЗША CCI
Сьцяг ЗША REMINGTON
Сьцяг Нямеччыны GECO
Сьцяг Чэхіі S&B
Сьцяг Расеі КСПЗ
Характарыстыкі:
Даўжыня патрона, мм: 25
Сапраўдны калібр кулі, мм: 5,66
Маса кулі, г: 1,9—2,6
Дыямэтар дульца набойніцы, мм: 5,75
Маса парахавога зараду, г: 0,07—0,11
Пачатковая хуткасьць кулі, м/с: 250—410
Энэргія кулі, Дж: 55—90 (пісталеты)
125—200 (вінтоўкі)
Выява на Вікісховішчы: Category:.22 Long Rifle
.22 Long Rifle

.22 LR (па-ангельску: long rifle — доўгі вінтовачны; 5,6×15 мм R) — дробнакалібравы ўнітарны патрон кальцавога ўзгараньня 22-га калібру (5,6 мм).

Вырабляецца для вінтовак, у асноўным для паляўнічых і спартовых мэт, і для пісталетаў — для трэніравальна-спартовых мэт, зрэдку — самаабароны. З-за невысокай энэргіі і занадта стромкай траекторыі кулі дадзены патрон прыдатны толькі для здабычы дробнай дзічыны (вавёрка, собаль) на кароткіх дыстанцыях.

.22 LR мае ўжо больш за векавую гісторыю. Ён быў распрацаваны ў 1887 годзе фірмай J. Stevens Arm & Tool Company і зьяўляецца сусьветным рэкардсмэнам па ліку вырабленых (і вырабляемых) патронаў.

У цяперашні час гэты патрон — адзін зь вельмі нешматлікіх пакінутых у шырокім выкарыстаньні патронаў кальцавога ўзгараньня (гэта значыць патрон ня мае капсуля як асобнай дэталі, а ініцыявальнае рэчыва месьціцца па кольцы ў закрайку гільзы — адгэтуль і назва). Найболей распаўсюджаны трэніравальны і спартовы баепрыпас .22 LR зьяўляецца таксама папулярным паляўнічым баепрыпасам: у Расеі зь яго выкарыстаньнем зарабляюць дробнага пушнога зьвера, у ЗША — адстрэльваюць дробных грызуноў (байбакоў і да т. п.).

Пад гэты патрон выраблена вялікая колькасьць узораў зброі: адна- і шматствольныя вінтоўкі з самымі рознымі схемамі перазараджаньня, самазарадныя вінтоўкі і карабіны, а таксама пісталеты і нават пісталеты-кулямёты. У Расеі пад гэты патрон выпускаецца даволі шырокая намэнклятура зброі. Найболей вядомая адназарадная вінтоўка ТОЗ-8М.

Патроны .22 Long Rifle

Мабыць найболей экзатычны прыклад — малакалібравы кулямёт Блюма, які выкарыстоўваўся ў даваенныя гады для навучаньня асабістага складу ПСЧА стральбе з кулямётаў Максіма і Дзегцярова, а пасьля — для адстрэлу ваўкоў у некаторых паляўнічых гаспадарках.

Нягледзячы на яўную розьніцу паміж рознымі ўзорамі патронаў кальцавога ўзгараньня, паміж імі ўсё жа магчымая некаторая ўзаемазаменнасьць. Так, з малакалібравых вінтовак і пісталетаў вытворчасьці СССР, патронік якіх разьлічаны на выкарыстаньне доўгіх вінтовачных патронаў .22 LR, у выпадку неабходнасьці можна страляць патронамі .22 Short і .22 Long. З малакалібравых рэвальвэраў можна страляць усімі тыпамі патронаў, бо даўжыня барабана, як правіла, дазваляе зараджаць рэвальверы нават патронам .22 Магнум (.22 WMR).

Пры выкарыстаньні гэтага патрона ў пісталетах дульная энэргія куль складае ад 55 да 90 Дж, у вінтоўках ад 125 да 200 Дж. Пачатковая хуткасьць кулі ў залежнасьці ад зброі і маркі патрона складае ад 250 м/с да 410 м/с.

Пісталет МЦМ, на тэрыторыі былога СССР найбольш распаўсюджаны спартовы пісталет пад патрон .22 LR

Мадыфікацыі[рэдагаваць | рэдагаваць крыніцу]

Маркіроўка Маса патрона/кулі, г Даўжыня патрона, мм Пачатковая хуткасьць, м/с Дульная энэргія, Дж Кучнасьць (R50 на 100 м), мм Балістычны каэфіцыент
Біятлён ??/2.75 ? ? ? 50-70 0.160
Eley Tenex (Elley Standart) ??/2.59 ? 331 ? 63 0.157
Тэмп ??/2.59 ? ? ? 25-45 0.15
SS22LRH ??/2.4 ? 398 ? ? 0.128
Сурок ??/1.88 ? 450 ? 100 0.08
Рубеж ??/?? ? ? ? 45-200 ?
S&B HV ??/2.33 ? 405 190 ? ?
CCI Stinger ??/2.07 ? 500 ? ? ?

Тэмп[рэдагаваць | рэдагаваць крыніцу]

Патрон .22 Long Rifle (справа) побач зь меншым патронам .22 Short (зьлева)

Як заўважылі шматлікія стралкі, кучнасьць патронаў Тэмп вельмі залежыць ад умоваў транспартаваньня і захоўваньня патронаў. Таму бываюць вялікія разьбежкі па кучнасьці, напрыклад для 100 мэтраў яна можа быць як 25 мм, так і 50 мм (хоць на заводах-вырабніках даюць ацэнку на 125 мм) прычым асноўны роскід па вэртыкалі. Да таго ж трэба дадаць, што выкарыстаньне дадзенай маркі патронаў патрабуе больш частай чысткі ствала.

Сурок[рэдагаваць | рэдагаваць крыніцу]

Звышгукавы патрон калібру .22 LR. За кошт нізкай масы кулі ўдалося павялічыць хуткасьць і дальнастрэльнасьць, але з-за гэтага ў кулі высокая адчувальнасьць да ветру.

Таксама мінусам гэтага патрона зьяўляецца і тое, што куля прызначаецца для ствалоў з паменшанай колькасьцю нарэзаў (у адваротным выпадку кулю «зносіць» на 15 см за 100 м).

Seller&Bellot HV[рэдагаваць | рэдагаваць крыніцу]

Экспансіўны, звышгукавы патрон. Адзін з самых магутных патронаў калібра .22 LR.

Схема патрона

Вартасьці і недахопы .22 LR[рэдагаваць | рэдагаваць крыніцу]

Вартасьці[рэдагаваць | рэдагаваць крыніцу]

  • нізкі кошт
  • невялікая аддача
  • нізкі ўзровень шума
  • дакладнасьць

Недахопы[рэдагаваць | рэдагаваць крыніцу]

  • малая магутнасьць патрона

Глядзіце таксама[рэдагаваць | рэдагаваць крыніцу]

Дробнакалібравыя набоі кальцавога ўзгараньня:

Вонкавыя спасылкі[рэдагаваць | рэдагаваць крыніцу]

.22 Long Rifleсховішча мультымэдыйных матэрыялаў