06 (альбом)

Зьвесткі зь Вікіпэдыі — вольнай энцыкляпэдыі.

«06»
Альбом N.R.M.
Выдадзены	2007
Запісаны	2007
Жанр	рок
Працягласьць	54:41
Храналёгія N.R.M.
Справаздача 1994-2004 (2004)	06 (2007)

06 (Nul šeść) — шосты альбом беларускага рок-гурта N.R.M. запісаны ў 2007 годзе.

Зьмест 1 Зьмест 2 Удзельнікі 3 Выданьне 4 Дадатковыя зьвесткi 5 Спасылкі 5.1 Артыкулы 5.2 Сайты 5.3 Відэа

[рэдагаваць] Зьмест

1. Nas da chalery
2. Stalinhrad
3. Hadziučnik
4. Miensk i Minsk
5. Toje, što jość pamiž nami
6. Palmy i biarozy
7. Padvodnaja łodka
8. Svabody hłytok
9. Kitaj
10. Himn biełaruskaha rok-n-rolščyka
11. Nikoli-nikoli
12. Tolki dla ciabie
13. Nie pytaj
14. Mama, tata, heta ja

[рэдагаваць] Удзельнікі

• Алезіс Дземiдовiч: бубны, сьпеў, дадатковы сьпеў, разьюшаны крык
• Юрась Ляўкоў: бас-гітара, сьпеў, дадатковы сьпеў
• Пiт Паўлаў: гiтара, мандаліна, дадатковы сьпеў
• Лявон Вольскі: сьпеў, гiтара, клявішы, бубны

• Юлія Глушыцкая: віялянчэль
• Кастусь Карповіч: пузон
• Адэля Вольская, Яна Ляўкова, Ян-Вінцэнт Луцэвіч, Паўліна Дземідовіч: харавы сьпеў

[рэдагаваць] Выданьне

• «PRO-2-Studio» (Менск, лета-зіма 2006): запіс, міксаваньне
• Гянадзь Сыракваш: саўндпрадусар
• Генрык Ліп (Henryk Lipp) (at Vintage Mastering, Gothenburg, Sweden): майстраваньне
• Алезіс Дземiдовiч: дызайн вокладкі, крыжоў і мэдалю
• Дзяніс Трусіла: кампутарная графіка
• Ігар Назаранка, Ігар Віркоўскі: паліграфія
• Stowarzyszenie Młodych Twórców — «Ku Teatrowi»: прадусаваньне

[рэдагаваць] Дадатковыя зьвесткi

Шосты студыйны альбом N.R.M. быў запісаны, па словах лідэра гурта Лявона Вольскага, пад уплывам палітычных падзей вясны 2006 году. Гэта, а таксама нумар альбому, і стала нагодай, каб назваць яго менавіта лічбай «06». На плытцы зьмешчана 14 рознастылёвых песьняў: ад тыповага «нрмаўскага» гард-року да джаз-блюзу. Упершыню адну зь песьняў выканаў не Лявон Вольскі, а бубнач Алезіс Дземiдовiч. А ў песьні «Hadziučnik» кожны з удзельнікаў гурта сьпявае па некалькі радкоў песьні. Акрамя таго, на апошняй песьні «Mama, tata, heta ja» прысутнічае хор зь дзяцей удзельнікаў гурта. Таксама ўпершыню, акрамя звычайнай гітары, бас-гітары і бубноў, у запісу песьняў выкарыстоўваліся іншыя інструмэнты — віялянчэль, мандаліна, клявішы.

Плытка мае незвычайны буклет з тэкстамі песьняў і выявамі узнагародаў — крыжоў і мэдалю — зробленых па тыпу вайсковых рэгаліяў. Як пазначана на старонках буклета, «ўсе крыжы і мэдаль зацьверджаныя на адмысловым паседжаньні Кабінету Міністраў N.R.M. ад 25 сьнежня 2006 году».

Альбом запісываўся ў Менску на студыі «PRO-2-Studio», а майстэрынгам займаўся швэдзкі спэцыяліст Генрык Ліп з студыі Vintage Mastering у Гётэборгу. Да рэлізу альбому была прысьвечаная акцыя «Слухай! Прыдумляй! Выйгравай!» Эўрапейскага Радыё для Беларусі. Першы наклад дыскаў трапіў у рукі прыхільнікаў 19 траўня 2007 году.

[рэдагаваць] Спасылкі

[рэдагаваць] Артыкулы

• «Выходзіць альбом „06“ N.R.M.»
• Новы альбом N.R.M. «06» з’явіцца ў крамах праз тыдзень
• «Hadziučnik» — лепшая песьня году
• N.R.M. пачалі запіс новага альбому!

[рэдагаваць] Сайты

• Афіцыйная хатняя старонка N.R.M.
• Польскі сайт N.R.M.
• Афіцыйны фан-клюб N.R.M.

[рэдагаваць] Відэа

• Miensk i Minsk
• Hadziučnik

п • а • р N.R.M.
Удзельнікі	Алег Дземідовіч | Юрась Ляўкоў | Піт Паўлаў | Лявон Вольскі
Дыскаграфія	Альбомы: ŁaŁaŁaŁa | Одзірыдзідзіна | Пашпарт грамадзяніна N.R.M. | Try čarapachi | Dom kultury | 06 Складанкі: Made in N.R.M. | Акустычныя канцэрты канца XX стагодзьдзя | Viza Незалежнай Рэспублікі Мроя | Справаздача 1994-2004 Самотнікі: Samotnik
Зьвязаныя праекты	Мроя | Zet | Крамбамбуля | Pete-Paff | Гарадзкія