81-556/557/558

НеВа
81-556/81-557/81-558 81-556.1/81-557.1/81-558.1 81-556.2/81-557.2/81-558.2
Вытворца	Чэхія, Расея
Пэрыяд выпуску	з 2008: 81-556/557/558: 2008—2014 81-556.1/557.1/558.1: 2016—2017 81-556.2/557.2/558.2: 2017—2018
Усяго выраблена	36
Цягнікоў выраблена	18 (на чэрвень 2018 году)
Тара	29,5/ 28/ 24
Даўжыня	19850/ 19210/ 19210
Вышыня	3655
Хуткасьць	90
Паскарэньне/замядленьне	1,3/1,4
Магутнасьць	668/ 668/
Пасажыраёмістасьць	174/ 188/ 188
Выкарыстоўваецца	з 22 кастрычніка 2013 г.

Вагоны мэтро мадэляў 81-556, 81-557 і 81-558 «НеВа» — тып рухомага саставу для Пецярбурскага мэтрапалітэну, канструктыўна які зьяўляецца далейшым разьвіцьцём вагонаў мадэляў 81-553.3, 81-554.3 і 81-555.3 «Казань», ад якога адрозьніваюцца кузавам новай канструкцыі. Вагоны «НеВа» зьяўляюцца сумеснай распрацоўкай заводаў «Skoda Transportation s.r.o.» (Пльзень, Чэхія) і «Вагонмаш» (Санкт-Пецярбург, Расея) па тэхнічным заданьні ГУП «Пецярбурскі мэтрапалітэн».

На Пецярбурскім мэтрапалітэне дадзены цягнік зьяўляецца прадстаўніком новага пакаленьня, бо абсталяваны асынхроннымі цягавымі электрарухавікамі, пуск якіх ажыцьцяўляецца сілавымі электроннымі пераўтваральнікамі, выкананымі на IGBT прыборах. Плянуецца, што цягнікі «Нева» будуць уведзеныя ў рэгулярную эксплюатацыю першым чынам на Неўска-Васілеастроўскай лініі, замяніўшы на ёй вагоны тыпу Ем. Сама назва мадэлі йдзе ад назвы дадзенай лініі — Неўска-Васілеастроўская.

Цягнік складаецца з вагонаў трох тыпаў:

• галаўны маторны з кабінай кіраваньня (мадэль 81-556);
• прамежкавы маторны (мадэль 81-557);
• прамежкавы прычапны (мадэль 81-558).

Базавая колькасьць вагонаў у цягніку — шэсьць: два галаўныя, два прамежкавыя маторныя і два прамежкавыя безматорныя. Канструкцыя цягніка дапушчае павелічэньне колькасьці вагонаў да васьмі.

Першы цягнік

Напачатку студзеня 2011 году на заводзе «Вагонмаш» была завершана пабудова першай трохвагоннай электрасэкцыі № 1 (мадэлі 81-556—81-557—81-558, нумары 10404—11631—11623), а ў пятніцу 14 студзеня новыя вагоны прадставілі губэрнатару гораду — Валянціне Матвіенцы. 25 сакавіка дасьледчая трохвагонная электрасэкцыя была перададзена ад заводу Пецярбурскаму мэтрапалітэну, а ў ноч з 27 на 28 сакавіка электрасэкцыя прыбыла ў электрадэпо «Неўскае». Паралельна ў дэпо была накіравана група чэскіх спэцыялістаў з заводу «Skoda», а таксама прадстаўнікі «Вагонмаш». 28 сакавіка новы цягнік быў прадстаўлены кіраўніцтву дэпо, а пасьля дэпо наведала некалькі прадстаўнікоў кіраваньня мэтрапалітэну, улучаючы Галоўнага інжынэра.

У пэрыяд да канца красавіка чэскімі спэцыялістамі праводзілася наладка электраабсталяваньня сэкцыі ўсярэдзіне будынка дэпо. 29 красавіка электрасэкцыя была ўпершыню выпушчана на паркавыя каляіны для дасьледчай абкаткі, падчас якой выявілася адмоўнае ўзьдзеяньне пульсацыяў цягавага току на лініі сувязі, а менавіта: яны цалкам глушылі радыёсувязь. Пасьля абкатка сэкцыі на каляінах дэпо праводзілася амаль штодня, а пачынальна з 23 траўня на працягу тыдня кожную ноч, каб не замінаць астатнім пасажырскім цягнікам, абкаткі сталі праводзіць непасрэдна ўжо на самой Неўска-Васілеастроўскай лініі.

30 чэрвеня 2011 году мэтрапалітэну ад заводу была перададзена другая электрасэкцыя (нумары вагонаў 10405-11632-11624), якая ў ноч з 3 на 4 ліпеня прыбыла ў электрадэпо «Неўскае». 16 ліпеня з абедзьвюх сэкцыяў быў счэплены паўнавартасны шасьцівагонны цягнік. У далейшым у дэпо цягнік праходзіў выпрабаваньні, якія некалькі зацягнуліся (галоўным чынам з-за праблем з сыстэмай АРС). Цалкам выпрабаваньні былі завершаныя да пачатку чэрвеня 2012 году.

Увечар 8 ліпеня цягнік «Нева» быў адпраўлены на Кастрычніцкі электравагонарамонтны завод. Неўзабаве туды ж будзе адпраўлены і цягнік «Ладага» (яго выпрабаваньні праводзіліся ў дэпо паралельна зь «НеВа»). 30 ліпеня павінен прайсьці аўкцыён, мэтай якога зьяўляецца вызначыць, якую мадэль паставіць на сэрыйную вытворчасьць.

• 
  Адзін зь першых дзён знаходжаньня электрасэкцыі ў дэпо
• 
  Наладка абсталяваньня пад напругай. Пакуль усярэдзіне будынка
• 
  Абкатка на дэпоўскіх пуцях. Наперадзе ўсталяваны вагон прычыненьня.
• 
  6-вагонны цягнік сфармаваны

Вонкавыя спасылкі

• Цягнік мэтро «Нева»(недаступная спасылка)