Google Desktop

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Google Desktop
Google Desktop Logo.gif
Сайдбар GD у Vista. Адлюстроўваюцца адпаведныя навіны, надвор’е.
Распрацоўка Google
Апошняя вэрсія 5.9.1005.12335 (Windows)
1.2.0.0088 (Linux)
1.0.4 (Mac)
 (23 жніўня 2010 г.; 3 гады таму)
АС Windows, Mac OS X, Linux
Тып кампутарны пошук
Ліцэнзія прапрыетарная
Афіцыйная старонка desktop.google.com

Google Desktop — праграмнае забесьпячэньне, распрацаванае Google для плятфорамаў Windows, Mac OS X і Linux. Праграма зьяўляецца пошукавым рухавіком, які індэксуе зьмесьціва кампутара і прымае тэкставыя запыты, адшукваючы дакумэнты, фатаздымкі, электронныя лісты, гутаркі і гэтак далей. Акрамя гэтага з праграмай ідзе прылада Google Gadgets.

Мажлівасьці[рэдагаваць | рэдагаваць крыніцу]

Індэксацыя[рэдагаваць | рэдагаваць крыніцу]

Галоўнай мэтай праграмы зьяўляецца індэксацыя файлаў, якія існуюць ці зьяўляюцца ў кампутары. Пасьля ўсталёўкі праграмы на кампутар пачынаецца пачатковая індэксацыя — ініцыялізацыя, якая стварае індэкс усіх існых файлаў, па якіх магчымы тэкставы пошук. Адначасова з гэтым карыстальнік ужо можа шукаць па тым, што знойдзена. Вынікі запытаў адлюстроўваюцца на адмысловай старонцы ў браўзэры, згенэраванай лякальна самой праграмай. Выгляд старонкі аднолькавы, як і ў сеціўнага пошуку Google.

Google Desktop шукае па тэкставых дакумэнтах розных кшталтаў (фарматаў OpenDocument, Microsoft Office і звычайных), браўзэрнай гісторыі (Internet Explorer і Firefox), гутарках з розных прыладаў-камунікатараў (Google, Skype, MSN і іншых) і некалькіх тыпах мультымэдыя-файлаў. Іншыя фарматы дадаюцца да індэксу праз адмысловыя пашырэньні.[1]

Ініцыялізацыя мае адзін значны недахоп: падчас яе ўсталёўваецца абмежаваньне ў 100 000 файлаў. Між тым, калі карыстальнік стварае ці адчыняе нейкі файл, ён дадаецца ў індэкс.

Крыніцы[рэдагаваць | рэдагаваць крыніцу]